కొవిడ్ టీకా మొదటి డోసు తీసుకున్న ఓ యువకుడికి.. కొన్ని నిమిషాల్లోనే మరొకటి వేశారు (two doses of covishield) వైద్య సిబ్బంది. ఈ ఘటన కర్ణాటకలోని దక్షిణ కన్నడ జిల్లాలో బుధవారం జరిగింది. యువకుడి ఆరోగ్య స్థితిని పర్యవేక్షిస్తున్నామని వైద్యాధికారులు చెప్పారు.
కూటేలు గ్రామానికి చెందిన కేబీ అరుణ్.. టీకా తీసుకునేందుకు స్థానికంగా ఏర్పాటు చేసిన వ్యాక్సినేషన్ కేంద్రానికి వెళ్లాడు. అక్కడి సిబ్బంది అరుణ్కు కొవిషీల్డ్ తొలి డోసును ఇచ్చారు. టీకా తీసుకున్న అరుణ్.. అక్కడే ఉన్న వెయిటింగ్ రూమ్లో కూర్చున్నాడు. అరుణ్ను గుర్తించని అక్కడి సిబ్బంది అతనికి మరోసారి టీకా వేశారు. ఓ వ్యక్తికి రెండుసార్లు టీకా వేశామని తెలుసుకున్న సిబ్బంది.. అరుణ్ను మూడు గంటల పాటు పర్యవేక్షించి ఇంటికి పంపించారు.
ఈ ఘటనపై అక్కడి వైద్యాధికారి డా. నందకుమార్ స్పందించారు. అరుణ్ మాస్క్ ధరించడం వల్ల నర్స్ అతడిని గుర్తించలేకపోయిందని తెలిపారు. విదేశీ ప్రయాణానికి రెండు డోసులు అవసరం అయినందున.. ఒకేసారి రెండు డోసులు ఇస్తారేమో అన్న అభిప్రాయంతో అరుణ్ ఉన్నాడని పేర్కొన్నారు. అరుణ్ ఆరోగ్య స్థితిపై ఎప్పటికప్పుడు పర్యవేక్షిస్తున్నామని.. ఇప్పటివరకు ఎలాంటి దుష్ప్రభావాలను గుర్తించలేదని నందకుమార్ స్పష్టం చేశారు.
ఇదీ చూడండి : covid variant mu: భారత్లో 'మ్యూ' భయాలు- కొత్త వైరస్ ప్రమాదకరమా?
