బంగాల్కు మెడికల్ ఆక్సిజన్ సరఫరాను పెంచాలని ప్రధాని నరేంద్ర మోదీకి.. సీఎం మమతా బెనర్జీ లేఖ రాశారు. ఇతర రాష్ట్రాలకు ఆక్సిజన్ సరఫరాను పెంచారని.. కానీ తమ రాష్ట్రానికి సరిపడినంత పెంచలేదని మమత ఆరోపించారు.
రాష్ట్రంలో రోజుకు 550మెట్రిక్ టన్నుల ఆక్సిజన్ అవసరం ఉందని అయితే కేంద్రం కేవలం 308 మెట్రిక్ టన్నుల ఆక్సిజన్ పంపిస్తోందని అన్నారు. 24గంటల్లో బంగాల్కు 470మెట్రిక్ టన్నుల ఆక్సిజన్ అవసరమైందని.. మరో వారంలో అది రోజుకు 550మెట్రిక్ టన్నులకు చేరుతుందని తెలిపారు. రోజుకు 550మెట్రిక్ టన్నుల కంటే తక్కువ ఆక్సిజన్ పంపిస్తే రాష్ట్రంలో పరిస్థితులు దిగజారుతాయని.. కరోనా రోగుల ప్రాణాలకు ముప్పు వాటిల్లుతుందని లేఖలో ఆందోళన వ్యక్తం చేశారు మమత.
ఇదీ చదవండి: బంగాల్ గవర్నర్ను కలిసిన కేంద్ర బృందం
