Mahbubnagar Telangana Assembly Election Result Live : తెలంగాణ రాష్ట్రవ్యాప్తంగా హస్తం పార్టీ ప్రభంజనం సృష్టిస్తోంది. ఉమ్మడి మహబూబ్నగర్ జిల్లాలో 14 అసెంబ్లీ స్థానాలు ఉండగా కాంగ్రెస్ పార్టీ హవా కొనసాగుతుంది. వీటిలో 12 స్థానాల్లో కాంగ్రెస్ ముందంజలో ఉండగా, 2 స్థానాల్లో బీఆర్ఎస్ పార్టీ ఆధిక్యంలో కొనసాగుతోంది. ఉమ్మడి జిల్లాలోని ముందంజలో ఉన్న స్థానాల్లో కొడంగల్ నుంచి పీసీసీ అధ్యక్షుడు అనుమల రేవంత్ రెడ్డి గెలుపొందారు. 31,849 ఓట్ల మెజార్టీతో పట్నం నరేందర్ రెడ్డిపై విజయం సాధించారు. కల్వకుర్తిలో కసిరెడ్డి నారాయణరెడ్డి, దేవరకద్రలో కాంగ్రెస్ అభ్యర్థి మధుసూదన్రెడ్డి గెలుపొందారు. వీటితో పాటు మరో ఐదు స్థానాల్లో కాంగ్రెస్ అభ్యర్థులు గెలుపొందారు.
నియోజకవర్గాల వారీగా వివరాలు ,:
కొడంగల్ : కొడంగల్లో కాంగ్రెస్ పార్టీ అభ్యర్థి రేవంత్ రెడ్డి బీఆర్ఎస్ అభ్యర్థి పట్నం నరేంద్రరెడ్డిపై 30 వేల ఓట్ల మెజార్టీతో గెలుపొందారు.
జడ్చర్ల : బీఆర్ఎస్ అభ్యర్థి లక్ష్మారెడ్డిపై కాంగ్రెస్ అభ్యర్థి జె. అనిరుధ్ రెడ్డి గెలుపొందారు.
నాగర్ కర్నూల్ : నాగర్ కర్నూల్ నియోజకవర్గంలో కాంగ్రెస్ అభ్యర్థి కే. రాజేష్రెడ్డి విజయం. సమీప ప్రత్యర్థి బీఆర్ఎస్ అభ్యర్థి మర్రి జనార్ధన్ రెడ్డిపై గెలుపు జెండా ఎగురవేశారు.
వనపర్తి : బీఆర్ఎస్ అభ్యర్థి నిరంజన్ రెడ్డిపై కాంగ్రెస్ అభ్యర్థి టి. మేఘారెడ్డి ఘనవిజయం సాధించారు.
నారాయణ్ పేట్ : కాంగ్రెస్ పార్టీ అభ్యర్థి చిట్టెం పర్ణిక రెడ్డి విజయకేతనం ఎగురవేశారు. ఆమె ప్రత్యర్థి బీఆర్ఎస్ అభ్యర్థి ఎస్.రాజేందర్ రెడ్డి పై గెలుపొందారు.
దేవరకద్ర : బీఆర్ఎస్ అభ్యర్థి ఆల వెంకటేశ్వర్ రెడ్డిపై కాంగ్రెస్ అభ్యర్థి జి. మధుసూదన్రెడ్డి గెలుపొందారు.
షాద్ నగర్ : షాద్ నగర్ నియోజకవర్గంలో బీఆర్ఎస్ అభ్యర్థి యెల్గనమోని అంజయ్య యాదవ్పై కె. శంకరయ్య విజయం సాధించారు.
కల్వకుర్తి : ఈ నియోజకవర్గంలో బీఆర్ఎస్ అభ్యర్థి జైపాల్ యాదవ్పై కసిరెడ్డి నారాయణరెడ్డి గెలుపొందారు.
అచ్చంపేట : బీఆర్ఎస్ అభ్యర్థి గువ్వల బాలరాజుపై కాంగ్రెస్ అభ్యర్థి చిక్కుడు వంశీకృష్ణ ముందంజలో ఉన్నారు.
కొల్లాపూర్ : ఈ నియోజకవర్గంలో త్రిముఖ పోరు కాగా కాంగ్రెస్ అభ్యర్థి జూపల్లి కృష్ణారావు ముందంజలో ఉన్నారు. బీఆర్ఎస్ అభ్యర్థి బీరం హర్షవర్ధన్ వెనుకంజలో ఉన్నారు. ఇక్కడ స్వతంత్ర అభ్యర్థి కర్నె బర్రెలక్క తన ప్రభావాన్ని చూపలేకపోయింది.
మహబూబ్నగర్ : బీఆర్ఎస్ అభ్యర్థి శ్రీనివాస్గౌడ్పై కాంగ్రెస్ పార్టీ అభ్యర్థి యెన్నం శ్రీనివాస రెడ్డి ముందంజలో ఉన్నారు.
మక్తల్ : బీఆర్ఎస్ అభ్యర్థి చిట్టెం రామ్మోహన్ రెడ్డిపై కాంగ్రెస్ పార్టీ అభ్యర్థి వాకిటి శ్రీహరి ముందంజలో ఉన్నారు.
అలంపూర్ : బీఆర్ఎస్ అభ్యర్థి విజయుడు ముందంజలో ఉన్నారు.
గద్వాల్ : గద్వాల్ నియోజకవర్గంలో బీఆర్ఎస్ అభ్యర్థి బండ్ల కృష్ణమోహన్ రెడ్డి ముందంజలో ఉన్నారు.
