మహారాష్ట్రలో భారీగా తగ్గిన కరోనా కేసులు

మహారాష్ట్రలో కరోనా కేసులు నెల రోజుల తర్వాత 50వేల మార్క్​కు తక్కువగా నమోదయ్యాయి. సోమవారం కొత్తగా 48,621 మంది వైరస్​ బారిన పడ్డారు. మరో 567 మంది మరణించారు. కర్ణాటకలో రికార్డు స్థాయిలో కేసులు నమోదవుతున్నాయి. కొత్తగా 44,438 మందికి వైరస్​ సోకింది. మరో 239 మంది మరణించారు. తమిళనాడులో 20,952 మందికి వైరస్ నిర్ధరణ అయింది. మరో 122 మంది మహమ్మారి కారణంగా మృతిచెందారు.

దేశవ్యాప్తంగా కరోనా విలయం కొనసాగుతోంది. మహారాష్ట్రలో కొత్తగా 48,621 మందికి వైరస్ నిర్ధరణ అయింది. మరో 567 మంది మరణించారు. 30 రోజుల తర్వాత 50 వేలకు తక్కువగా కేసులు నమోదు కాడవం ఇదే తొలిసారి. కర్ణాటకలో కొత్తగా రికార్డు స్థాయిలో 44,438 మంది వైరస్ బారిన పడ్డారు. మరో 239 మంది మృతి చెందారు. తమిళనాడులోనూ రికార్డు స్థాయిలో 20,952 మందికి వైరస్ నిర్ధరణ అయింది. మరో 122 మంది మహమ్మారి కారణంగా ప్రాణాలు కోల్పోయారు.

వివిధ రాష్ట్రాల్లో కేసులు ఇలా..

రాష్ట్రం	తాజా కేసులు	తాజా మరణాలు
ఉత్తర్​ ప్రదేశ్​	29,192	288
కేరళ	26,011	45
​ తమిళనాడు	20,952	122
మధ్యప్రదేశ్	12,062	93
ఉత్తరాఖండ్	5,403	128
రాజస్థాన్	17,296	154
ఒడిశా	8,914	5

ఇదీ చదవండి : కేంద్ర విద్యాసంస్థల పరీక్షలు వాయిదా!