మహారాష్ట్ర మహాబలేశ్వర్లోని ఓ గోల్ఫ్ మైదానంలో ప్రముఖ పారిశ్రామిక వేత్త, రిలయన్స్ గ్రూపు ఛైర్మన్ అనిల్ అంబానీ తన కుటుంబంతో కలిసి సాయంత్రం వాకింగ్ చేస్తున్న వీడియో.. సామాజిక మాధ్యమాల్లో వైరల్గా మారగా అధికారులు స్పందించారు. ఆ గోల్ఫ్ కోర్స్ను మూసివేయాలని ఆదేశాలు జారీ చేశారు.
అసలేమైంది..?
కరోనా ఆంక్షలు ఉన్నప్పటికీ.. మహాబలేశ్వర్లో తన భార్య టీనా, పిల్లలతో కలిసి ఓ గోల్ఫ్ మైదానంలో అనిల్ అంబానీ నడుస్తున్న వీడియో ఒకటి సామాజిక మాధ్యమాల్లో చక్కర్లు కొట్టింది. దాంతో అధికారులు అప్రమత్తమై ఆ క్లబ్ యాజమాన్యానికి నోటీసులు జారీ చేశారు. విపత్తు నిర్వహణ చట్టం సహా సంబంధిత చట్టాల కింద చర్యలు తీసుకుంటామని హెచ్చరించారు.
"అనిల్ అంబానీ వీడియోను ధ్రువీకరించుకున్నాక.. క్లబ్ యాజమాన్యానికి నోటీసులు జారీ చేశాం. ఉదయం, సాయంత్రం నడక కోసం ప్రజలెవరూ పార్కు లోపలకు ప్రవేశించకూడదని ఆదేశించాం."
-మహాబలేశ్వర్ కౌన్సిల్ ప్రధానాధికారి పల్లవి పాటిల్
నోటీసులు జారీ చేసిన అనంతరం గోల్ఫ్ మైదానాన్ని మూసివేశారని పల్లవి పాటిల్ తెలిపారు. కొవిడ్ ఆంక్షలు అమల్లోకి రావడానికి కొద్ది రోజుల ముందు నుంచే మహాబలేశ్వర్లో అనిల్ అంబానీ కుటుంబం నివసిస్తోందని ఓ అధికారి తెలిపారు.
ఇదీ చూడండి: కేరళ అసెంబ్లీలో మామాఅల్లుళ్ల సందడి
ఇదీ చూడండి: నందిగ్రామ్ ఫలితంపై మమత అనుమానాలు
