Tunnel Collapse: మధ్యప్రదేశ్లోని కట్నిలో నిర్మాణ దశలో ఉన్న సొరంగం కూలిన ఘటనలో ఇద్దరు కూలీలు చనిపోయారు. శిథిలాల కింద చిక్కుకున్న మరో ఏడుగురిని రక్షించినట్లు అధికారులు ఆదివారం వెల్లడించారు. చనిపోయిన కూలీల్లో ఒకరు (గోరాలాల్) మధ్యప్రదేశ్కు చెందినవారు కాగ, మరొకరిది (రవి మసల్కర్) మహారాష్ట్రగా గుర్తించారు.
ప్రాణాలతో బయటపడిన ఏడుగురు కూలీలను కట్ని జిల్లా ఆస్పత్రికి తరలించారు అధికారులు. ప్రస్తుతం వారి పరిస్థితి నిలకడగానే ఉందని తెలిపారు.
ఏంటీ ప్రమాదం.. ఎలా జరిగింది..?
బార్గీ కెనాల్ ప్రాజెక్ట్లో భాగంగా భూగర్భ సొరంగం నిర్మాణ పనులు చేస్తున్న సమయంలో 70 అడుగుల లోతుకు కూలీలు తవ్వారు. ఈ క్రమంలో మట్టి ఒక్కసారిగా కూలిపోయింది. ఆ సమయంలో టన్నెల్ కింద ఉన్న 9 మంది కూలీలు శిథిలాల కింద చిక్కుకుపోయారు. సహాయక చర్యలను చేపట్టిన ఎన్డీఆర్ఎఫ్, ఎస్డీఈఆర్ఎఫ్ బృందాలు ఏడుగురిని ప్రాణాలతో రక్షించగలిగాయి.
ఇదీ చూడండి: కూలిన సొరంగం- శిథిలాల్లో చిక్కుకుపోయిన కూలీలు!
