ఓ దొంగను పట్టుకోవడానికి సుమారు 278 సీసీటీవీ కెమెరాలను పరిశీలించారు కర్ణాటక పోలీసులు. అనేక ప్రయత్నాల తర్వాత చెన్నైలో దొంగను అదుపులోకి తీసుకున్నారు బెంగళూరు పోలీసులు. విలాసవంతమైన జీవితానికి అలవాటు పడిన ఓ డ్రైవర్.. లారీల దొంగతనాలకు పాల్పడుతూ పోలీసులకు చిక్కాడు. అసలేం జరిగిందంటే?
ఇదీ జరిగింది
తమిళనాడుకు చెందిన మత్తురాజ్ వృత్తి రీత్యా ఓ డ్రైవర్. కానీ విలాసవంత జీవితానికి అలవాటు పడిన ముత్తురాజ్.. దొంగతనాలు చేస్తున్నాడు. వివిధ ప్రాంతాల్లోని లారీలను దొంగిలించి అమ్ముతున్నాడు. మరో నిందితుడు.. దొంగిలించిన లారీ ఇంజిన్, ఛాసిస్ నంబర్లను మార్చగా.. మరో వ్యక్తి వాటిని రిజిస్ట్రేషన్ చేయించి విక్రయిస్తున్నాడు. ఆ తర్వాత వచ్చిన మొత్తాన్ని ముగ్గురు సమానంగా పంచుకుంటున్నారు. ఇలా ఇప్పటి వరకు 2 లారీలను దొంగిలించి తమిళనాడులో విక్రయించారు.
ఈ క్రమంలోనే మరో లారీ దొంగతనం కోసం తమిళనాడు నుంచి బెంగళూరుకు వచ్చాడు ముత్తరాజ్. చామరాజ్పేట్లోని మెయిన్రోడ్డుపై పార్క్ చేసిన లారీపై ముత్తురాజ్ చూపు పడింది. వెంటనే దొంగ తాళం చెవితో లారీని స్టార్ట్ చేసి హోసూర్ మీదుగా చెన్నైకి చేరుకున్నాడు. అనంతరం తన స్నేహితులకు లారీని అప్పగించగా.. అతడు నకీలీ పత్రాలు సృష్టించి విక్రయించారు.
278 సీసీటీవీ కెమెరాలు చెక్
మరోవైపు లారీ యజమాని పోలీసులకు ఫిర్యాదు చేయడం వల్ల.. వారు కేసు నమోదు చేసుకుని దర్యాప్తు చేపట్టారు. ఇందులో భాగంగా స్థానికంగా ఉన్న సీసీటీవీ కెమెరాలను పరిశీలించగా.. ముత్తురాజ్ హూసూర్ వైపు వెళ్తున్నట్లుగా తేలింది. అనంతరం బెంగళూరు-చెన్నై మధ్యలో ఉన్న దాదాపు 278 సీసీటీవీ కెమెరాలను పోలీసులను పరిశీలించి.. ముత్తురాజ్ను పట్టుకున్నారు. అనంతరం అతడిని చెన్నై నుంచి బెంగళూరుకు పట్టుకుని వచ్చారు. అతడిని అదుపులోకి తీసుకుని విచారించగా.. ముగ్గురు వివరాలను తెలిపారు. వారి వద్ద నుంచి మరో 3 లారీలను పోలీసులు స్వాధీనం చేసుకున్నారు.
రూ.8.5 కోట్లు చోరీ.. కూల్డ్రింక్ కోసం దొంగ దంపతుల కక్కుర్తి
Ludhiana Cash Van Robbery : అంతకుముందు పంజాబ్ లుధియానాలో బ్యాంకు దొంగతనం చేసి పారిపోయిన దంపతులను పోలీసులు చాకచక్యంగా పట్టుకున్నారు. దాదాపు రూ.8.5 కోట్ల సొమ్మును దోచుకొని పారిపోయారు పంజాబ్కు చెందిన భార్యాభర్తలు. కానీ రూ.10 కూల్డ్రింక్ కోసం కక్కుర్తిపడి దొరికిపోయారు. వీరెందుకు ఇలా చేశారో? ఎక్కడి నుంచి రూ.8.5 కోట్ల డబ్బును చోరీ చేశారో? తెలుసుకోవాలంటే ఇక్కడ క్లిక్ చేయండి.
ఇవీ చదవండి : లగ్జరీ కారులో వచ్చి.. మేకను దొంగలించి.. నిమిషాల్లో జంప్!
దొంగల నయా స్కెచ్.. తాళం పగలలేదు.. తలుపు విరగలేదు.. కానీ ఇంట్లోని 800 గ్రాముల బంగారం చోరీ
