Landmine Blast In Odisha: ఒడిశాలోని కలహందీలో మందుపాతర పేలింది. ఈ ప్రమాదంలో రోహిత్ కుమార్ బిశ్వాల్ అనే జర్నలిస్టు మృతిచెందారు. కర్లాకుంటా వంతెన ప్రాంతంలో ఈ మందుపాతర పేలినట్లు పోలీసులు తెలిపారు.
ఒడిశాలో పంచాయితీ ఎన్నికలను బహిష్కరించాలంటూ మావోయిస్టులు కలహందీలోని కర్లాకుంటా ప్రాంతంలో కొన్ని పోస్టర్లను అతికించారు. ఆ పోస్టర్లను కవర్ చేసేందుకు వెళ్లిన రోహిత్ కుమార్.. ప్రమాదవశాత్తు మందుపాతరపై కాలువేశారు. ఈ క్రమంలో మందుపాతర పేలి అక్కడికక్కడే జర్నలిస్టు మృతిచెందినట్లు పోలీసులు తెలిపారు.
సమాచారం తెలిసిన వెంటనే కలహందీ పోలీసులు, సీఆర్పీఎఫ్ సిబ్బంది ఘటనాస్థలికి చేరుకున్నారు. రోహిత్ మదన్పుర్- రామ్పుర్ వాసిగా గుర్తించారు. ఈ ఘటనపై పూర్తిస్థాయిలో దర్యాప్తు చేపట్టారు.
ఇదీ చూడండి: 'నో స్కూలు- నో ఓటు'.. పాఠశాలల మూసివేతపై ఆందోళనలు!
