కరోనా నుంచి కోలుకున్న కొందరు బ్లాక్ ఫంగస్(మ్యూకర్మైకోసిస్) బారిన పడుతున్నారు. ఈ సమయంలో దిల్లీలోని మేదాంతా ఆస్పత్రి ఛైర్పర్సన్ డాక్టర్ నరేశ్ త్రెహన్, ఎయిమ్స్ డైరక్టర్ డాక్టర్ గులేరియా కీలక సూచనలు చేశారు.
సూచనలు చేస్తున్న మేదాంతా ఆసుపత్రి ఛైర్మన్ డాక్టర్ నరేశ్ త్రెహన్, ఎయిమ్స్ డైరెక్టర్ డాక్టర్ గులేరియా
- డయాబెటిస్ను నియంత్రణలో ఉంచుకోవాలి.
- మితంగా స్టెరాయిడ్స్ను వాడాలి.
- ఎక్కువ రోజులున్న పాడైపోయిన ఆహారపదార్థాలలో, మట్టిలో ఈ శిలీంధ్రం పెరుగుతుంది.
- ఈ వ్యాధి మెదడు, కాలేయం, ముక్కుపై తీవ్రంగా ప్రభావం చూపుతుంది.
- షుగర్, కేన్సర్, హెచ్ఐవీ/ ఎయిడ్స్ రోగులకు ఈ వ్యాధి ప్రాణాంతకం.
- బ్లాక్ ఫంగస్కు మందు ఉంది. అందువల్ల భయపడాల్సిన పనిలేదు.
- సరైన సమయంలో వ్యాధిని గుర్తిస్తే నయం చేయవచ్చు.
- 2002లో సార్స్ వ్యాధి ప్రబలినప్పుడు కూడా బ్లాక్ ఫంగస్ వ్యాపించింది.
- కరోనా రెండో దశలో స్టెరాయిడ్ వాడకం పెరిగింది. స్టెరాయిడ్స్ను డాక్టర్ల సూచన మేరకే వాడాలి.
- ఇష్టం వచ్చినట్లు స్టెరాయిడ్ తీసుకోవడం వల్ల చక్కెర స్థాయులు పెరుగుతాయి. తద్వారా బ్లాక్ ఫంగస్ సోకుతుంది.
- పచ్చి ఆహారం, కూరగాయలు తింటే వస్తుందనడానికి ఆధారాలు లేవు.
- హోం ఐసోలేషన్లో ఉన్నవారికి కూడా వస్తుంది.
బ్లాక్ ఫంగస్ కేసులు దేశంలో పెరిగిపోతున్నాయి. రాజస్థాన్, గుజరాత్, పంజాబ్, హరియాణా, కర్ణాటక, ఒడిశా, తెలంగాణ, తమిళనాడు వంటి రాష్ట్రాలు దీనిని 'అంటువ్యాధుల చట్టం ప్రకారం' 'గుర్తించదగిన వ్యాధిగా' ఇప్పటికే ప్రకటించాయి. తద్వారా ప్రతి బ్లాక్ ఫంగస్ కేసును రాష్ట్ర ప్రభుత్వానికి నివేదించడం తప్పనిసరి.
ఇప్పటివరకు దిల్లీలోని ప్రభుత్వ, ప్రైవేటు ఆసుపత్రుల్లో 197 బ్లాక్ ఫంగస్ కేసులు నమోదయ్యాయని ఆరోగ్య మంత్రి సత్యేంద్ర జైన్ శుక్రవారం తెలిపారు.
ఇదీ చదవండి: బ్లాక్ ఫంగస్ ఔషధ ఉత్పత్తికి కేంద్రం చర్యలు
