దేశవ్యాప్తంగా కొవిడ్ వ్యాప్తి స్వల్పంగా తగ్గింది. కేరళలో (Kerala Covid Cases) కొత్తగా 17,983 మందికి కరోనా నిర్ధరణ అయినట్లు ఆ రాష్ట్ర ఆరోగ్య శాఖ వెల్లడించింది. 127 మంది మరణించినట్లు తెలిపింది.
అదే సమయంలో 15,054 మంది కొవిడ్ నుంచి కోలుకున్నారని కేరళ వైద్య శాఖ వెల్లడించింది. యాక్టివ్ కేసుల సంఖ్య 1,62,846గా ఉందని వివరించింది.
ఇతర రాష్ట్రాల్లో ఇలా..
- మహారాష్ట్రలో కొత్తగా 3,286 కేసులు (Covid cases in Maharashtra) వెలుగులోకి వచ్చాయి. 51 మంది కొవిడ్కు బలయ్యారు. మరో 3,933 మంది కొవిడ్ను జయించారు.
- కర్ణాటకలో 789 కేసులు (Covid cases in Karnataka) బయటపడ్డాయి. 23 మంది కరోనాతో చనిపోయారు. 1,050 మంది కొవిడ్ నుంచి కోలుకున్నారు.
- దేశరాజధాని దిల్లీలో 24 కొత్త కేసులు నమోదయ్యాయి. ఒక్క మరణం కూడా సంభవించలేదు.
- మిజోరాంలో కొత్తగా 1,257 కేసులు నమోదవ్వగా, గోవాలో 84 మంది కొవిడ్ బారిన పడ్డారు.
వ్యాక్సినేషన్..
దేశవ్యాప్తంగా 84.42 కోట్ల కొవిడ్ టీకా డోసులు పంపిణీ చేసినట్లు కేంద్ర వైద్యారోగ్య శాఖ స్పష్టం చేసింది. శుక్రవారం ఒక్కరోజే 64 లక్షలకు పైగా మందికి వ్యాక్సిన్ వేసినట్లు పేర్కొంది.
ఇదీ చదవండి:
