దేశంలో కరోనా కేసులు స్థిరంగా పెరుగుతూనే ఉన్నాయి. దేశవ్యాప్తంగా ఇప్పటివరకు 85లక్షల మందికిపైగా కొవిడ్ బారినపడ్డారు. వారిలో 1.26లక్షల మంది వైరస్కు బలయ్యారు. సుమారు 79లక్షల మంది మహమ్మారిని జయించగా.. 5లక్షలకుపైగా యాక్టివ్ కేసులున్నాయి. దిల్లీలో మరో 7,745 మందికి కరోనా కేసులు బయటపడగా.. బాధితుల సంఖ్య 4.3లక్షలు దాటింది. మరో 77 మంది కరోనాకు బలవ్వగా.. ప్రాణాలు కోల్పోయిన వారి సంఖ్య 7వేలకు చేరువైంది.
- కేరళలో ఆదివారం ఒక్కరోజే 5,440 మందికి కొవిడ్ పాజిటివ్గా నిర్ధరణ అయింది. కేసుల సంఖ్య 4.86 లక్షలకు పెరిగింది. కొత్తగా 24 మంది వైరస్కు బలవ్వగా.. మొత్తం మృతుల సంఖ్య 1,692కు చేరింది.
- మహారాష్ట్రలో ఒక్కరోజులో 5,092 మందికి వైరస్ సోకింది. బాధితుల సంఖ్య 17లక్షల 19వేల 858కి పెరిగింది. కొత్తగా 110 మంది ప్రాణాలు కోల్పోగా.. మరణాల సంఖ్య 45,250కి ఎగబాకింది.
- బెంగాల్లో కొత్తగా 3,920 మంది కొవిడ్ ఉన్నట్టు తేలింది. మొత్తం కేసుల సంఖ్య 4,05,314కు చేరింది. ఆ రాష్ట్రంలో ఇప్పటివరకు 7,294 మంది కరోనాతో మృతి చెందారు.
- ఉత్తర్ప్రదేశ్లో మరో 2,247 కరోనా కేసులు బయటపడ్డాయి. బాధితుల సంఖ్య 4,97,668కి చేరింది. మరో 26 మరణాలతో.. చనిపోయిన వారి సంఖ్య 7,206కు పెరిగింది.
- తమిళనాడులో ఒక్కరోజులోనే 2,334 మంది కరోనా బారినపడ్డారు. కేసుల సంఖ్య 7.43లక్షలు దాటింది. ఆ రాష్ట్రంలో ఇప్పటివరకు 11,344 మంది కొవిడ్కు బలయ్యారు.
ఇదీ చదవండి: 'టీకా పొందాలంటే అప్పటివరకు వేచి చూడాల్సిందే'
