Karnataka police bike theft: దొంగలను పట్టుకుని జైల్లో వేయాల్సిన పోలీసే వారితో చేతులు కలిపి దర్జాగా చోరీలకు పాల్పడ్డాడు. ఇద్దరు మైనర్లతో కలిపి ఓ ముఠాను నడిపిస్తున్నాడు. ద్విచక్ర వాహనాలనే లక్ష్యంగా చేసకుని వాటిని ఎత్తుకెళ్తున్నాడు. కర్ణాటక బెంగళూరు విద్యానారయణపుర పోలీస్ స్టేషన్కు చెందిన ఈ కానిస్టేబుల్ పేరు హొన్నప్ప దురదప్ప మలగి. ఇతడి దొంగతనాల గురించి తెలుసుకున్న పోలీసులు బైక్ చోరీల రాకెట్ గుట్టును రట్టు చేశారు. అతని వద్ద నుంచి 53 బైక్లు స్వాధీనం చేసుకున్నారు. వీటి విలువ రూ.77 లక్షలు ఉంటుందని అంచనా.
ఓ వస్త్ర దుకాణంలో పనిచేస్తూ, మలగితో చేతులు కలిపిన రమేశను కూడా పోలీసులు అదుపులోకి తీసుకున్నారు. ఈ ముఠాలో ఉన్న ఇద్దరు మైనర్లను విచారిస్తున్నారు.
డీసీపీ సంజీవ్ పాటిల్ తెలిపిన వివరాల ప్రకారం.. మలగి ఈ ముఠాతో కలిసి బెంగళూరులో బైక్లను చోరీలు చేస్తున్నాడు. వాటిని ఉత్తర కర్ణాటకలోని దవనగెరె, రాణిబెన్నూర్, బ్యదాగి ప్రాంతాలకు తీసుకెళ్లి అతి తక్కువ ధరకు విక్రయిస్తున్నాడు.
సెకండ్ హ్యాండ్ బైక్లు విక్రయించే పోర్టల్లో వేరే బైక్ల రిజిస్ట్రేషన్ వివరాలు తెలుసుకుని.. దొంగ రిజిస్టేషన్ నంబర్లు సృష్టించేవాడు. అనంతరం ఆ బైక్లను ఇతరులకు అమ్మేవాడు. కొన్నవారు రిజిస్ట్రేషన్ పత్రాలు అడిగితే బ్యాంకు లోన్ పూర్తయ్యే వారకు అవి ఇవ్వలేనని నమ్మబలికాడు.
ఒక్కోసారి దొంగతనాలు చేస్తూ దొరికి పోలీస్ స్టేషన్కు వెళ్లిన ఇద్దరు యువకులను తన బంధువులే అని మలగి విడిపించేవాడు.
ఈ ముఠా బెంగళూరులోని నంది లేఅవుట్, హెచ్ఎంటీ లే అవుట్, జలగాలి లే అవుట్, హెబ్బల్, జ్ఞానభారతి, పీన్య, రాజగోపాల్నగర్ ఇతర ప్రాంతాల్లో బైక్లను చోరీ చేసింది.
స్వాధీనం చేసుకున్న 53 బైక్లలో మూడింటిని తిరిగి ఓనర్లకు అప్పజెప్పారు పోలీసులు. ప్రజలు తమ వాహనాలు జాగ్రత్తగా చూసుకోవాలని, సెకండ్ హ్యాండ్ బైక్లు కొనే ముందు పూర్తి వివరాలు తెలుసుకోవాలని సూచించారు.
ఇదీ చదవండి: 'కరోనా 2.0.. గంగా నదిలో 300కుపైగా మృతదేహాలు'
