చాముండీ పాత్రలో లీనమై 'మహీషుడి'పై హత్యాయత్నం

కర్ణాటకలో నిర్వహించిన ఓ నాటక సన్నివేశంలో.. పాత్రలోకి లీనమై హత్యాయత్నానికి పాల్పడ్డాడో వ్యక్తి. అయితే.. నిర్వహకులు స్పందించి అడ్డుకోవడం వల్ల.. త్రుటిలో ప్రమాదం తప్పింది.

ప్రేక్షకులకు ఆనందాన్నిచ్చే నాటక సన్నివేశంలో అపశృతి తలెత్తింది. చాముండేశ్వరీ పాత్ర ధరించిన ఓ వ్యక్తి.. ఆ పాత్రలోకి లీనమై రాక్షస (మహీషుడు) పాత్రలోని వ్యక్తిపై ఏకంగా హత్యయత్నానికి పాల్పడ్డాడు. కర్ణాటకలోని మాండ్య కళామందిర్​లో ఈ నెల 6న జరిగిన ఈ సంఘటన ఆలస్యంగా వెలుగులోకి వచ్చింది. ఈ వీడియో ప్రస్తుతం సామాజిక మాధ్యమాల్లో వైరల్​ అవుతోంది.

డ్రామాలో భాగంగా కౌండాలికా సన్నివేశంలో చాముండీ పాత్రలోని వ్యక్తి మహీషుడిపై దాడి చేసి, హతమార్చేందుకు ప్రయత్నించాడు. అయితే.. వెంటనే నిర్వహకులు అడ్డుకోవడం వల్ల.. ప్రమాదం తప్పినట్టయింది.

ఇదీ చదవండి: బాపూ.. చూస్తున్నావా నీ దేశాన్ని!