లక్షల్లో విలువ ట్రాక్టర్ను కొనే స్తోమత లేని రైతులు.. సాగుకు మరో ప్రత్యామ్నాయాలు చూసుకుంటారు. అయితే మధ్యప్రదేశ్ విదిశా జిల్లా ఘట్వాయీ గ్రామానికి చెందిన విజయ్ సింగ్ రఘువంశీ అనే రైతు భిన్నంగా ఆలోచించాడు. ఆటో ఇంజిన్తో ఓ మినీ ట్రాక్టర్ను రూపొందించాడు. ఇందుకు అతనికి అయిన ఖర్చు కేవలం రూ. 25వేలు.
తయారీ ఇలా..
పాడైపోయిన ఆటో నుంచి ఇంజిన్ కొనుగోలు చేసిన విజయ్ సింగ్.. దానిని స్థానిక మెకానిక్తో బాగుచేయించాడు. తానే సొంతంగా ట్రాక్టర్ బాడీ రూపకల్పన చేశాడు. ఇంజిన్ అమర్చి, బాడీకి మూడు చక్రాలు బిగించి మినీ ట్రాక్టర్ను సిద్ధం చేశాడు. ఈ కొత్త యంత్రంతో విజయ్కు.. తన 1.5 ఎకరాల భూమిలో సాగు సులభం అవుతోంది. దీనితో 3 గంటల్లో పావు ఎకరాన్ని దున్నవచ్చు. ఇందుకు కేవలం ఒకటిన్నర లీటర్ల డీజిల్ అవసరం అవుతుందని విజయ్ సింగ్ వెల్లడించాడు.
గ్యాస్తోనూ..
ఈ మినీ ట్రాక్టర్ను గ్యాస్తో కూడా నడిచే విధంగా విజయ్ సింగ్ ఏర్పాటు చేశాడు. 5హెచ్పీ డీజిల్ ఇంజిన్ను స్టార్ట్ చేశాక గ్యాస్తో నడిచే విధంగా మార్చుకోవచ్చని విజయ్ సింగ్ తెలిపాడు. 14 లీటర్ల గ్యాస్తో 58 నుంచి 62 గంటల పాటు ఇంజిన్ పనిచేస్తుందని వెల్లడించాడు.
ఇతర ఆవిష్కరణలు..
సొంతంగా యంత్రాలను కనిపెట్టడం విజయ్ సింగ్కు కొత్తేం కాదు. అంతకుముందు నాలుగు వేలు ఖర్చు చేసి సొంతంగా ఎలక్ట్రిక్ ఫెన్సింగ్ తయారు చేశాడు. దీని ద్వారా జంతువులకు ఎలాంటి హాని కలగదని కేవలం చిన్న షాక్ తగులుతుందని విజయ్ తెలిపాడు.
ఇదీ చదవండి : 93ఏళ్ల కొవిడ్ రోగికి 'సర్ప్రైజ్'
