IBPS jobs: రీసెర్చ్ అసోసియేట్ పోస్టు కోసం దరఖాస్తులను ఆహ్వానిస్తోంది ఇనిస్టిట్యూట్ ఆఫ్ బ్యాంకింగ్ పర్సనల్ సెలక్షన్(ఐబీపీఎస్). ఎంపికైన వారికి వార్షిక వేతనం రూ.12 లక్షల వరకు ఉంటుంది. ఇందుకు సంబంధించిన మరిన్ని వివరాలు ఇప్పుడు చూద్దాం.
- ఈ పోస్టుకు ఎంపికైన వారు ముంబయిలోని ఐబీపీఎస్ కార్యాలయంలో పని చేయాల్సి ఉంటుంది. నెల జీతం రూ.44,900. ఇతర అలవెన్సులు, ప్రయోజనాలు కలుపుకొంటే మొత్తం రూ.లక్ష వరకు అవుతుంది. దీంతో వార్షిక వేతనం దాదాపు రూ.12 లక్షల వరకు ఉంటుంది.
- ఈ పోస్టు పట్ల ఆసక్తిగల వారు www.ibps.in వైబ్సైట్లోకి లాగిన్ అయి రిజిస్టర్ చేసుకోవాలి
- దరఖాస్తుకు చివరి తేది మే 31. జూన్లో రాత పరీక్ష ఉంటుంది.
- దరఖాస్తు రుసుం రూ.1000 చెల్లించాల్సి ఉంటుంది.
- అభ్యర్థులకు మొదట రాత పరీక్ష నిర్వహిస్తారు. ఆ తర్వాత గ్రూప్ టెస్టు, వ్యక్తిగత ఇంటర్వ్యూ పూర్తయ్యాక తుది జాబితా వెల్లడిస్తారు.
- అభ్యర్థుల వయసు 21 నుంచి 30 ఏళ్లకు మించకూడదు.
- సైకాలజీ/ఎడ్యుకేషన్/ సైకాలాజికల్ మెజర్మెంట్/ సైకోమెట్రిక్ మేనేజ్మెంట్లో(హెచ్ఆర్ స్పెషలైజేషన్) పోస్టు గ్రాడ్యుయేషన్ పూర్తి చేసి ఉండాలి. కనీసం 55శాతం మార్కులు సాధించి ఉండాలి.
- అకాడెమిక్ రీసెర్చ్/ టెస్టు డెవలప్మెంట్లో కనీసం ఏడాది అనుభవం ఉన్నవారికి ప్రాధాన్యం ఇస్తారు.
ఇదీ చదవండి: బీటెక్తో కేంద్ర ప్రభుత్వ సంస్థలో ఉద్యోగాలు.. జీతం రూ.2 లక్షలకుపైనే!
