ఝార్ఖండ్లో దారుణం జరిగింది. 13 ఏళ్ల బాలికపై ఓ కీచక ఉపాధ్యాయుడు అత్యాచారానికి పాల్పడ్డాడు. ఆపై విషమిచ్చి హత్య చేసేందుకు ప్రయత్నించాడు. సదరు బాలిక ఆసుపత్రిలో చికిత్స పొందుతూ ప్రాణాలు కోల్పోయింది. పలాము జిల్లాలో ఈ ఘటన జరిగింది. నిందితుడిని పోలీసులు అరెస్టు చేశారు.
బాలిక కుటుంబానికి, నిందితుడికి మధ్య భూవివాదం ఉందని పోలీసులు తెలిపారు. పంకి పోలీస్ స్టేషన్ పరిధిలోని ఓ పాఠశాలలో బాలికపై నిందితుడు అత్యాచారానికి పాల్పడినట్లు చెప్పారు. అనంతరం ఆమెపై విషప్రయోగం చేసినట్లు తెలిపారు.
ఆసుపత్రిలో చికిత్స పొందుతూ సదరు బాలిక.. గురువారం మృతి చెందిందని పోలీసులు తెలిపారు. పోస్టుమార్టం నివేదికలో బాలికపై అత్యాచారం, విషప్రయోగం జరిగినట్లు నిర్ధరణ అయిందని వెల్లడించారు.
ఇదీ చదవండి:కల్తీ మద్యం తాగి నలుగురు మృతి
