జేఈఈ అడ్వాన్స్డ్ పరీక్షల తేదీని ప్రకటించింది కేంద్ర విద్యాశాఖ. జులై 3న దేశవ్యాప్తంగా ఈ పరీక్ష జరపనున్నట్లు కేంద్ర విద్యాశాఖ మంత్రి రమేశ్ పోఖ్రియాల్ వెల్లడించారు. ఐఐటీ ఖరగ్పుర్ ఈ పరీక్ష నిర్వహించనుంది.
సాధారణంగా ఐఐటీల్లో సీటు సంపాదించాలంటే జేఈఈ అడ్వాన్స్డ్ పరీక్షలో ఉత్తీర్ణులవడం సహా 12వ తరగతిలో 75 శాతం కన్నా ఎక్కువ మార్కులు సాధించాలి లేదా అర్హత పరీక్షల్లో మొదటి 20 శాతంలో నిలిచి ర్యాంక్ కొట్టాలి. అయితే 2021లో ఈ కటాఫ్ను తొలగిస్తున్నట్లు ఫోఖ్రియాల్ తెలిపారు.
జేఈఈ మెయిన్‌-2020లో అర్హత సాధించిన చాలా మంది కరోనా వల్ల అడ్వాన్స్డ్ పరీక్ష రాయలేకపోయారు. వీరందరినీ 2021లో నిర్వహించే అడ్వాన్స్డ్ పరీక్షకు నేరుగా అనుమతించారు. తొలి విడత మెయిన్‌ పరీక్షలు ఫిబ్రవరి 23-26 తేదీల్లో నిర్వహిస్తారు. ఈ నెల 16లోపు దరఖాస్తు చేయాలి.
