రెండేళ్లకే సిక్సర్ల మోత.. కోహ్లీలా అవ్వాలని...

రెండున్నరేళ్లకే బంతిని బౌండరీలు దాటించేస్తున్నాడు ఝార్ఖండ్​కు చెందిన జయంత్. విరాట్ కోహ్లీలా అవ్వాలన్నదే తన కల అంటున్నాడు​. చిన్నవయసులోనే తమ కుమారుడు క్రికెట్​లో అసాధారణ ప్రతిభ కనబరచటంపై అతడి తల్లిదండ్రులు సంతోషం వ్యక్తం చేస్తున్నారు.

ఝార్ఖండ్​లోని బొకారో ప్రాంతానికి చెందిన రెండున్నరేళ్ల జయంత్​.. పిట్టకొంచెం కూత ఘనం అన్న సామెతకు సరిగ్గా సరిపోతాడు. ఈ బుడతడి క్రికెట్ చూస్తే ఎవరైనా ఫిదా అవ్వాల్సిందే.. చిన్నవయసులోనే బంతిని బౌండరీలు దాటిస్తూ ఔరా అనిపిస్తున్నాడు. విరాట్​ కోహ్లీలా మారాలన్నదే తన కల అని చెబుతున్నాడు జయంత్.

ఆట తర్వాతే అన్నం..

జయంత్ రోజూ ఉదయం, సాయంత్రం క్రికెట్ ఆడతాడని అతడి తల్లిదండ్రులు చెప్పుకొచ్చారు. క్రికెట్ ఆడకపోతే.. అన్నం కూడా తినడని తెలిపారు. 9 నెలల వయసు నుంచే క్రికెట్​పై ఆసక్తి కనబరిచాడన్నారు.

ఇదీ చదవండి : ప్రాణాలు అరచేతిలో పెట్టుకుని.. కార్మికుడి సాహసం!