జమ్ముకశ్మీర్లోని రాజౌరీ జిల్లా దాదల్ అటవీ ప్రాంతంలోని సుందర్బని సెక్టార్లో ఇద్దరు పాకిస్థానీ చొరబాటుదారులను ఎన్కౌంటర్ చేశాయి భద్రతా దళాలు. ముష్కరులు జరిపిన ఎదురుకాల్పుల్లో ఇద్దరు భారత జవాన్లు అమరులైనట్లు రక్షణ శాఖ ప్రతినిధి స్పష్టం చేశారు. నాయబ్ శ్రీజిత్ ఎం, సిపాయి మరుపోలు జశ్వంత్ రెడ్డి ప్రాణాలు విడిచినట్లు తెలిపారు.
ఉగ్రవాదుల చొరబాట్లు, సంచారానికి సంబంధించిన విశ్వసనీయ సమాచారం మేరకు విస్తృత తనిఖీలు చేపట్టింది సైన్యం. ఈ క్రమంలో.. దాదల్ అటవీ ప్రాంతంలో ముష్కరులు కాల్పులు మొదలుపెట్టి.. హ్యాండ్ గ్రెనేడ్లను విసిరారని ఓ అధికారి తెలిపారు.
నియంత్రణ రేఖ సరిహద్దు గ్రామమైన దాదల్లో అనుమానిత ఉగ్రవాద ముఠాలు ఉన్నట్లు సైన్యానికి సమాచారం అందింది. ప్రస్తుతం ఆపరేషన్ కొనసాగుతున్నట్లు తెలిపింది.
ఇవీ చదవండి:
