ఐఎన్ఎక్స్ మీడియా మనీలాండరింగ్ కేసులో కేంద్ర మాజీ ఆర్థిక మంత్రి, కాంగ్రెస్ సీనియర్ నేత పి.చిదంబరం, ఆయన కుమారుడికి దిల్లీ కోర్టు సమన్లు జారీ చేసింది. వారిపై ఎన్ఫోర్స్మెంట్ డైరెక్టరేట్(ఈడీ) దాఖలు చేసిన అభియోగపత్రాన్నిన్యాయస్థానం పరిగణనలోకి తీసుకుంది. ఏప్రిల్ 7న కోర్టు ముందు హాజరు కావాలని.. జస్టిస్ ఎంకే నాగ్పాల్ నేతృత్వంలోని ఏకసభ్య ధర్మాసనం ఆదేశించింది.
ఈడీ తన అభియోగపత్రంలో చిదంబరం, కార్తీ చిదంబరంతో పాటు అకౌంటెంట్ ఎస్ఎస్ భాస్కరన్ సహా పలువురి పేర్లను పేర్కొంది.
ఇదీ కేసు..
చిదంబరం కేంద్ర ఆర్థిక మంత్రిగా ఉన్నప్పుడు.. ఐఎన్ఎక్స్ మీడియాకు విదేశీ పెట్టుబడుల ప్రోత్సాహక బోర్డు అనుమతులు ఇవ్వడంలో అవకతవకలకు పాల్పడినట్లు 2017 మే 15న సీబీఐ కేసు నమోదు చేసింది. ఈ కేసు ఆధారంగా ఎన్ఫోర్స్మెంట్ డైరెక్టరేట్ మనీలాండరింగ్ కేసు పెట్టింది. 2018 ఆగస్టు 21న కస్టడీలోకి తీసుకుంది సీబీఐ, అనంతరం అక్టోబర్ 16న ఈడీ అదుపులోకి తీసుకుంది. ఈడీ కేసులో డిసెంబర్ 4, 2019న ఆయనకు బెయిల్ మంజూరు అయింది.
ఇదీ చూడండి:శబరిమల కోసం ప్రత్యేక చట్టం: భాజపా హామీ
