భారత్​కు కొనసాగుతున్న విదేశాల సాయం

కరోనా మహమ్మారితో ధైర్యంగా పోరాడుతున్న భారత్​కు విదేశాల నుంచి ఆపన్నహస్తం అందుతోంది. ఆస్ట్రేలియా, బహ్రెయిన్​, ఇజ్రాయెల్ దేశాలు బుధవారం ఆక్సిజన్​ మెషిన్లు, అత్యవసర వైద్యసామగ్రి, వెంటిలేటర్లను పంపించి తమ ఉదారతను చాటుకున్నాయి.

కరోనా సెకండ్ వేవ్​పై ధైర్యంగా పోరాడుతున్న భారత్​కు విదేశాల నుంచి సాయం అందుతోంది. ఆస్ట్రేలియా, బహ్రెయిన్​, ఇజ్రాయెల్ దేశాలు బుధవారం ఆపన్నహస్తం అందించాయి. ఆస్ట్రేలియా నుంచి 1056 వెంటిలేటర్లు, 43 ఆక్సిజన్ మెషిన్లు ప్రత్యేక విమానంలో భారత్​కు వచ్చాయి. అటు ఇజ్రాయెల్.. అత్యవసర వైద్యసామగ్రిని భారత్​కు పంపించి తన ఉదారతను చాటుకుంది.

ఆస్ట్రేలియా నుంచి విమానం

వైద్య సామగ్రి

విమానం నుంచి వైద్యసామగ్రి

అత్యవసర వైద్య సామగ్రి

ఆపరేషన్ సముద్రసేతు-2

ఇక బహ్రెయిన్​ కూడా ఆపరేషన్ సముద్రసేతు-2లో భాగంగా.. 20 మెట్రిక్​ టన్నులు కలిగిన రెండు ద్రవ ఆక్సిజన్​ ట్యాంకర్లను పంపించింది. ఇవి ఐఎన్​ఎస్​ తల్వార్ నౌకలో.. కర్ణాటకలోని న్యూ మంగళూరు నౌకాశ్రయానికి వచ్చినట్లు అధికారులు తెలిపారు. ఈ మేరకు బహ్రెయిన్ మద్దతుకు విదేశాంగ ప్రతినిధి అరిందమ్​ బాగిచీ కృతజ్ఞతలు తెలిపారు.

ఆక్సిజన్ ట్యాంకరు

ఐఎన్​ఎస్​ తల్వార్

ఐఎన్ఎస్​ తల్వార్​ వద్ద అధికారులు

వైద్య పరికరాలు

ఐఎన్​ఎస్​ ఐరావత్

ఇజ్రాయెల్​ విమానం నుంచి వైద్యపరికరాలు

ఇజ్రాయెల్​ నుంచి సహకారం

ఇజ్రాయెల్​ నుంచి వైద్యపరికరాలు పంపిణీ

వీటితో పాటు సింగపూర్​ నుంచి ఐఎన్​ఎస్ ఐరావత్​, కువైట్ నుంచి ఐఎన్ఎస్ కోల్​కతా.. ఆక్సిజన్​ మెషిన్లు, అత్యవసర వైద్యసామాగ్రి, వెంటిలేటర్లతో భారత్​కు వచ్చినట్లు అధికారులు తెలిపారు.

ఈయూ రూ. 19 కోట్లు సాయం

కరోనాతో పోరాడుతున్న భారత్​కు అత్యవసర విరాళం కింద రూ. 19 కోట్లు ప్రకటించింది ఈయూ. వైద్య పరికరాలనూ అందిస్తున్నట్లు యూరోపియన్ కమిషన్ ఓ ప్రకటనలో తెలిపింది. మహమ్మారిని అరికట్టేందుకు ప్రపంచ ఆరోగ్యసంస్థ(డబ్ల్యూహెచ్​ఓ)తో కలిసి పనిచేస్తామని తెలిపింది. వైరస్​తో కలిసికట్టుగా పోరాడదామని పిలుపునిచ్చింది.

ఇదీ చదవండి : చైనా రాకెట్​తో ప్రపంచానికి ముప్పు!