మధ్యప్రదేశ్లోని ఓ భాజపా నాయకురాలు కరోనా నిబంధనలు పాటించకుండా టీకా కేంద్రంలోనే పుట్టిన రోజు వేడుకలు జరుపుకున్నారు. టీకా కేంద్రంలో వ్యాక్సిన్ పంపిణీ జరుగుతుండగా.. ఇందోర్కు చెందిన 58వ వార్డు అధ్యక్షురాలు మాధురీ జైశ్వాల్ పుట్టిన రోజు వేడుకల్లో పాల్గొన్న కార్యకర్తలు భౌతిక దూరం పాటించలేదు. పలువురు మాస్క్లు లేకుండానే కనపడ్డారు. ఈ వీడియోలు సామాజిక మాధ్యమాల్లో వైరల్ అయ్యాయి. దీనిపై స్పందించిన జిల్లా ఇమ్యునైజేషన్ అధికారి డా. ప్రవీణ్ కుమార్.. జిల్లా కలెక్టర్కు ఫిర్యాదు చేస్తామని వెల్లడించారు. టీకా కేంద్రంలో వేడుకలు జరపటం అభ్యంతరకమని అన్నారు.
అయితే తన మద్ధతుదారులు ఈ వేడుకలను నిర్వహించారని.. అందుకు క్షమాపణ కోరుతున్నట్లు జైశ్వాల్ తెలిపారు.
"మా కుటుబంలో ఇటీవలే ఓ వ్యక్తిని కోల్పోయాం. ఈ విషాద సమయంలో నేనే నా పుట్టిన రోజు వేడుకలు జరుపుకోలేకపోయాను. నేను టీకా పంపిణీ చేస్తున్న ప్రభుత్వ పాఠశాలకు వెళ్లేసరికే.. నా ఆనందం కోసం మా కార్యకర్తలు వేడుకలకు సిద్ధం చేశారు. వారు కరోనా నిబంధనలు పాటించలేదనే విషయం నాకు తెలియదు. ఈ విషయంపై నేను క్షమాపణ కోరుతున్నాను."
-మాధురీ జైశ్వాల్, వార్డ్ అధ్యక్షురాలు
ఇవీ చదవండి:
