Corona cases: దేశంలో మరో 39వేల కేసులు - కరోనా వ్యాక్సినేషన్ వార్తలు

దేశంలో కొత్తగా 39,796 కరోనా కేసులు(Corona cases) నమోదయ్యాయి. 723 మంది మృతిచెందగా.. 42,352 మంది కోలుకున్నారు. ఆదివారం.. 15,22,504 మందికి కొవిడ్ పరీక్షలు చేసినట్లు ఐసీఎంఆర్ వెల్లడించింది.

దేశంలో మరో 39వేల మందికి కరోనా

Published : Jul 5, 2021, 9:52 AM IST

దేశంలో కరోనా కేసులు (Corona cases) క్రమంగా తగ్గుముఖం పడుతున్నాయి. కొత్తగా 39,796 మందికి కొవిడ్ సోకింది. వైరస్ నుంచి 42,352 మంది కోలుకోగా.. 723 మంది ప్రాణాలు కోల్పోయారు. రికవరీ రేటు 97.11 శాతంగా నమోదైంది.

మొత్తం కేసులు : 3,05,85,229
మొత్తం మరణాలు : 4,02,728
కోలుకున్నావారు : 2,97,00,430
యాక్టివ్ కేసులు : 4,82,071

మొత్తం టెస్టులు..

దేశంలో ఇప్పటివరకు 41,97,77,457 కరోనా పరీక్షలు జరిగాయి. ఆదివారం.. 15,22,504 మందికి కొవిడ్ పరీక్షలు చేసినట్లు ఐసీఎంఆర్ వెల్లడించింది.

వ్యాక్సినేషన్..

వ్యాక్సినేషన్ ప్రక్రియ నెమ్మదించింది. దేశవ్యాప్తంగా ఆదివారం కేవలం 14,81,583 డోసుల మాత్రమే పంపిణీ అయ్యాయి. ఇప్పటివరకు 35,28,92,046 వ్యాక్సిన్ డోసులు పంపిణీ చేసినట్లు కేంద్ర వైద్య, ఆరోగ్య శాఖ వెల్లడించింది.