దేశంలో మరో 12,923 మందికి వైరస్​

దేశంలో మరో 12,923 మందికి కరోనా సోకింది. కొవిడ్​ బారినపడిన వారిలో మరో 108 మంది మృతిచెందారు. ఇప్పటివరకు దేశవ్యాప్తంగా 70 లక్షల 17 వేల మందికిపైగా వ్యాక్సిన్ తీసుకున్నారు.

దేశంలో కరోనా కేసులు క్రమంగా తగ్గుముఖం పడుతున్నాయి. దేశవ్యాప్తంగా కొత్తగా 12,923 కొవిడ్​ కేసులు వెలుగుచూశాయి. మరో 108 మంది ప్రాణాలు కోల్పోయారు. 11,764 మంది వైరస్​ నుంచి కోలుకుని ఇళ్లకు వెళ్లినట్లు కేంద్ర వైద్య, ఆరోగ్య శాఖ తెలిపింది.

మొత్తం కేసులు:1,08,71,294

యాక్టివ్ కేసులు: 1,42,562

కోలుకున్నవారు: 1,05,73,372

మరణాలు: 1,55,360

దేశవ్యాప్తంగా బుధవారం ఒక్కరోజులో 6,99,185 నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్​) తెలిపింది. మొత్తం పరీక్షలు 20.40 కోట్లకు చేరినట్లు వెల్లడించింది.

దేశవ్యాప్తంగా కొవిడ్ వ్యాక్సిన్ తీసుకున్నవారి సంఖ్య 70,17,114కు చేరింది.