Corona Cases in India Today: భారత్లో కరోనా మహమ్మారి కేసుల సంఖ్య తగ్గింది. కొత్తగా 6,990 మందికి వైరస్ సోకింది. వైరస్ ధాటికి మరో 190 మంది మృతి చెందారు. ఒక్కరోజే 10,116 మందికిపైగా కొవిడ్ నుంచి కోలుకున్నారు. ఫలితంగా కరోనా యాక్టివ్ కేసులు.. దాదాపు లక్షలకు తగ్గాయి.
- మొత్తం కేసులు: 3,45,70,274
- మొత్తం మరణాలు: 4,68,980
- యాక్టివ్ కేసులు: 1,00,543
- మొత్తం కోలుకున్నవారు: 3,40,18,299
వ్యాక్సినేషన్
సోమవారం ఒక్కరోజే 78,80,545 కొవిడ్ టీకా డోసులు పంపిణీ చేసినట్లు కేంద్ర ఆరోగ్య మంత్రిత్వ శాఖ పేర్కొంది. ఫలితంగా మొత్తం టీకాల పంపిణీ.. 1,23,25,02,767కు చేరింది.
అంతర్జాతీయంగా..
ప్రపంచవ్యాప్తంగా రోజువారీ నమోదవుతున్న కరోనా కేసుల (coronavirus worldwide) సంఖ్య పెరిగింది. ఒక్కరోజే 4,44,453 మందికి కొవిడ్ (Corona update) పాజిటివ్గా తేలింది. 5,407 మంది మృతి చెందారు. దీంతో మొత్తం కేసుల సంఖ్య 26,23,71,931కి చేరగా.. మొత్తం మరణాల సంఖ్య 5,224,403కు చేరింది.
వివిధ దేశాల్లో కొత్త కేసులు.. మరణాలు
- అమెరికాలో కొత్తగా 68,445 మందికి కరోనా సోకింది. మరో 416 మంది మృతి చెందారు.
- బ్రిటన్లో తాజాగా 42,583 మంది వైరస్ బారిన పడ్డారు. మరో 35 మంది మరణించారు.
- జర్మనీలో కొత్తగా మరో 42,582 మంది కొవిడ్ పాజిటివ్గా తేలింది. 241 మంది ప్రాణాలు కోల్పోయారు.
- రష్యాలో మరో 33,860 కరోనా కేసులు వెలుగుచూశాయి. కాగా ఒక్కరోజే 1,209 చనిపోయారు.
- ఫ్రాన్స్లో తాజాగా 8,279 మంది మహమ్మారి బారిన పడ్డారు. మరో 122 మంది మరణించారు.
- టర్కీలో కొత్తగా 24,317 మందికి కరోనా నిర్ధరణ కాగా.. 189 మంది చనిపోయారు.
- పోలాండ్లో కొత్తగా 13,115 కేసులు, 18 మరణాలు వెలుగుచూశాయి.
మరోవైపు దక్షిణాఫ్రికాలో బయటపడిన కొత్త వేరియంట్ ఒమిక్రాన్(omicron variant) ప్రపంచ దేశాలను ఆందోళన కలిగిస్తోంది. ప్రపంచ ఆరోగ్య సంస్థ(డబ్ల్యూహెచ్ఓ) సైతం ఒమిక్రాన్పై సంచలన వ్యాఖ్యలు చేసింది. అత్యంత ప్రమాదకరమైన స్ట్రైయిన్గా పేర్కొంది. ప్రజలు అప్రమత్తంగా ఉండాలని.. ప్రపంచ దేశాలు కొవిడ్ వ్యాప్తి నివారణకు చర్యలు చేపట్టాలని సూచిస్తోంది.
ఇదీ చూడండి: మాస్కులపై పూత.. కొవిడ్ నుంచి అదనపు రక్ష!
