కేంద్ర ప్రభుత్వం ప్రతిష్టాత్మకంగా భావిస్తున్న మేక్‌ ఇన్‌ ఇండియా దిశగా మరో ముందడుగు వేసింది. ఆరు అధునాతన డీజిల్, ఎలక్ట్రిక్ జలాంతర్గాముల నిర్మాణానికి రూ.50 వేల కోట్ల విలువచేసే టెండర్లను మజగావ్‌ డాక్‌యార్డ్‌ లిమిటెడ్‌(ఎండీఎల్), ఎల్ అండ్ టీకి జారీ చేసింది రక్షణ మంత్రిత్వ శాఖ. ఈ ప్రాజెక్టుపై రక్షణమంత్రిత్వ శాఖ పూర్తి స్థాయిలో చర్చించి అన్ని అనుమతులు ఇచ్చినట్లు తెలుస్తోంది.
స్కార్పియన్‌, కల్వరీ జలాంతర్గాముల నిర్మాణం జరిగిన ఎన్నో ఏళ్ల తర్వాత పి-75 ఇండియా ప్రాజెక్టు పేరుతో 6 అధునాతన జలాంతర్గాములను ఫ్రాన్స్‌ భాగస్వామ్యంతో.. మజగావ్‌ డాక్‌యార్డ్‌ లిమిటెడ్‌(ఎండీఎల్) నిర్మిస్తోంది. ఇప్పటికే ఎండీఎల్, ఎల్ అండ్ టీని వ్యూహాత్మక భాగస్వాములుగా గుర్తించిన నౌకాదళం.. ఐదు ప్రపంచ తయారీ సంస్థలైన ఫ్రెంచ్‌ నావల్‌ గ్రూప్‌, జర్మన్‌ టీకేఎంఎస్, దక్షిణ కొరియా దేవూ, స్పానిష్‌, రష్యా సంస్థలతో ఒప్పందం చేసుకోనున్నట్లు తెలిపింది.
ఇదీ చూడండి: ఆ సబ్మెరైన్లలో 95% దేశీయ పరికరాలే!
