కరోనా మృత్యుఘోష.. మళ్లీ 4వేల పైకి మరణాలు

దేశంలో కొత్తగా 2 లక్షల 59 వేలకుపైగా కరోనా కేసులు నమోదయ్యాయి. మరో 4,209 మంది వైరస్​కు బలయ్యారు. గురువారం 20.61 లక్షల నమూనాలను పరీక్షించినట్లు ఐసీఎంఆర్ తెలిపింది.

దేశంలో కరోనా మహమ్మారి మృత్యుఘోష కొనసాగుతోంది. కొత్త కేసులు తగ్గుతున్నా మరణాలు మాత్రం తగ్గటం లేదు. గురువారం మళ్లీ 4 వేలపైనే మృతి చెందారు.

దేశంలో కొత్తగా 2,59,591 కేసులు వెలుగుచూశాయి. వైరస్​ బారినపడిన వారిలో మరో 4,209 మంది చనిపోయారు. కొవిడ్ సోకిన వారిలో మరో 3,57,295 మంది కోలుకున్నారు.

• " class="align-text-top noRightClick twitterSection" data="">

• మొత్తం కేసులు: 2,60,31,991
• మొత్తం మరణాలు: 2,91,331
• మొత్తం కోలుకున్నవారు: 2,27,12,735
• యాక్టివ్ కేసులు: 30,27,925

దేశవ్యాప్తంగా గురువారం 20,61,683 నమూనాలను పరీక్షించినట్టు భారత వైద్య పరిశోధనా మండలి(ఐసీఎంఆర్​) తెలిపింది.

కరోనా కట్టడిలో భాగంగా.. ఇప్పటివరకు మొత్తం 19.18 కోట్ల కరోనా టీకా డోసులు పంపిణీ చేసినట్లు ఆరోగ్యశాఖ ప్రకటించింది.

ఇదీ చూడండి: 'హైఫై మాస్క్‌ వ్యాక్సిన్‌లా పనిచేస్తుంది'