శబరిమల దర్శనానికి రోజుకు ఐదు వేలమంది భక్తులను అనుమతించాలని ట్రావెన్కోర్ దేవస్వాం బోర్డు చేసిన ప్రతిపాదనను పరిశీలిస్తున్నామని కేరళ దేవాదాయ మంత్రి కదకంపల్లి సురేంద్రన్ తెలిపారు. కొవిడ్-19 నేపథ్యంలో రాష్ట్ర ఆరోగ్య శాఖలను సంప్రదించి ప్రభుత్వం నిర్ణయం తీసుకుంటుందని వివరించారు. అక్టోబరు 16న ఆలయం తెరుచుకుంది. అప్పటి నుంచి ప్రతిరోజు వెయ్యి మందికి దర్శన అవకాశం కల్పిస్తున్నారు.
ప్రస్తుతం శబరిమలలో మండల మకరవిలక్కు పూజలు జరుగుతున్నాయి. సాధారణంగా ఈ సీజన్లో రోజుకు రూ. 3.5కోట్ల ఆదాయం వస్తుంది. కానీ ప్రస్తుతం రోజుకు ఆదాయం రూ. 10లక్షలు కూడా రావట్లేదని.. బోర్డు ప్రస్తుతం తీవ్ర ఆర్థిక సంక్షోభంలో ఉందని తెలిపింది.
