పామును కొరికి చంపిన వక్తి
ఓ వ్యక్తి చూడకుండా అడుగు వెయ్యడమే ఆ పాము పాలిట శాపమైంది. తనను కాటేసిందని పామును కొరికి చంపాడు ఒడిశాకు చెందిన ఓ వ్యక్తి.
ఇదీ జరిగింది..
జాజ్‌పూర్ జిల్లా దనగాడి తాలూకా గంభారిపాటియా గ్రామానికి చెందిన కిషోర్ బద్రా వ్యవసాయ పనులు ముగించుకుని చీకటిపడిన తర్వాత ఇంటికి వస్తున్నాడు. రాత్రి వేళ దారి కనపడక ఓ పాముపై అడుగు వేశాడు. అది వెంటనే బద్రా కాలిపై కరిచింది. ఇది గమనించిన బద్రా.. దానిపై ప్రతీకారం తీర్చుకోవాలనుకున్నాడు. కోపంతో పామును చేతుల్లోకి తీసుకొని.. నోటితో కొరికి చంపేశాడు.
దీనిని గమనించిన గ్రామస్థులు బద్రాను ఆస్పత్రికి వెళ్లాల్సిందిగా సూచించారు. కానీ.. అతను మాత్రం నాటు వైద్యుడి వద్దకు వెళ్లి చూపించుకున్నాడు.
ఇవీ చదవండి:
