ఒడిశాలో పట్టాలు తప్పిన గూడ్స్ రైలు
ఒడిశాలో ఓ గూడ్స్ రైలు పట్టాలు తప్పింది. మంగళవారం మధ్యాహ్నం బొగ్గు లోడింగ్ కోసం భద్రక్ నుంచి ధమ్రాకు వెళుతున్న ఈ రైలు బోగీల్లో 13 విడిపోయినట్లు అధికారులు తెలిపారు. చరంపా ప్రాంతంలోని ధమ్రా రైల్వే ఓవర్‌ బ్రిడ్జి వద్ద ఈ ఘటన జరిగింది. ఈ రైలులో మొత్తం 60 బోగీలున్నాయి. దీనితో కొద్ది సేపు రైళ్ల రాకపోకలకు అంతరాయం ఏర్పడింది. ఈ ప్రమాదానికి గల కారణాలు తెలియాల్సి ఉంది.
సమాచారం అందుకున్న రైల్వే పోలీసులు, రెస్క్యూ సిబ్బంది సహాయక చర్యలు చేపట్టారు. ఘటనపై రైల్వే ఉన్నతాధికారులు దర్యాప్తు చేస్తున్నారు.
ఇవీ చదవండి:
