కరోనా వైరస్లోని ప్రొటీన్కు సంబంధించిన కీలక గుట్టును ఐఐటీ- మండి శాస్త్రవేత్తలు కనుగొన్నారు. మహమ్మారిని మరింత లోతుగా అర్థం చేసుకుని, మెరుగైన చికిత్సలను రూపొందించడానికి ఈ పరిశోధన కీలకంగా మారనుందని నిపుణులు భావిస్తున్నారు. ప్రస్తుతం కొవిడ్ చికిత్సలన్నీ లక్షణాల ఆధారంగా రూపొందించినవే. వైరస్ను చిక్కించుకుని, దాన్ని అణచివేసే సరైన ఔషధం ఇప్పటికీ లేదు. ఇలాంటి తరుణంలో ఐఐటీ శాస్త్రవేత్తలు చేపట్టిన పరిశోధన ప్రాధాన్యం సంతరించుకుంది.
'ఏదైనా వైరస్ను ఎదుర్కోవాలంటే ముందు అందులోని ప్రొటీన్ల గురించి పూర్తిగా తెలియాలి. కరోనా వైరస్కూ ఇదే వర్తిస్తుంది. ఇందులో 16 రకాల ముఖ్యమైన ప్రొటీన్లు ఉన్నాయి. వీటన్నింటిలోనూ కీలకమైనది...'ఎన్ఎస్పీ1'. బాధితుల శరీరంలోని కణాలను వశపరచుకుని, వాటిని వైరస్ కేంద్రాలుగా మార్చుతున్నదీ ఈ ప్రొటీనే! దీనిపై దృష్టి సారించాం. దీనిలో కీలకమైన సి-టెర్మినల్ రీజన్ గుట్టును తెలుసుకున్నాం. తద్వారా.. వివిధ వాతావరణ పరిస్థితుల్లో ఈ ప్రొటీన్ ఎలా ప్రవర్తిస్తుంది? దీని ద్వారా వైరస్ సంక్రమణ తీవ్రత ఏ స్థాయిలో ఉంది? దీని ఆకృతి ఏంట? అన్న విషయాలు మరింత లోతుగా అర్థమవుతాయి" అని పరిశోధన కర్త రజనీశ్ గిరి వివరించారు.
ఇదీ చదవండి: Covid cases: తమిళనాడులో తగ్గని ఉద్ధృతి
