Idol Demolition in Delhi: దేవుడిపై కోపంతో విగ్రహాలను ధ్వంసం చేశాడో యువకుడు. ఈ ఘటన జనవరి 29న దిల్లీలో జరిగింది.
ఇదీ జరిగింది..
పోలీసుల కథనం ప్రకారం.. యువకుడి కుటుంబంలో ఇద్దరు వ్యక్తులు ఇటీవల మరణించారు. అప్పటి నుంచి మానసికంగా కుంగిపోయిన నిందితుడు.. దేవుడిపై కోపాన్ని పెంచుకున్నాడు. విగ్రహాల దుష్ప్రభావం కారణంగా తమ కుటుంబానికి హాని కలుగుతోందని భావించాడు. జనవరి 29న దగ్గరిలోని ప్రార్థనా మందిరానికి వెళ్లి, అక్కడి విగ్రహాలను ధ్వంసం చేశాడు. ఘటనాస్థలిలో ఉన్నవారు యువకుడ్ని పట్టుకుని పోలీసులకు అప్పగించారు.
నేరం అంగీకరించిన యువకుడు.. విగ్రహాల వల్లనే తమ కుటుంబం ముక్కలైందని పోలీసులకు వివరించాడు. కేసు నమోదు చేసిన పోలీసులు.. దర్యాప్తు చేస్తున్నారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చదవండి: పాములు పట్టే నేర్పరినే కాటేసిన కోబ్రా.. పరిస్థితి విషమం
