దేశంలో కరోనా రెండోదశ తగ్గుముఖం పడుతున్న తరుణంలో.. మహారాష్ట్ర, కేరళ, మధ్యప్రదేశ్ రాష్ట్రాల్లో డెల్టాప్లస్ కేసులు నమోదవుతున్నాయి. దీంతో ప్రమాదకరంగా భావిస్తున్న ఈ కొత్త వేరియంట్పై భారత వైద్య పరిశోధన మండలి(ఐసీఎంఆర్), నేషనల్ ఇన్స్టిట్యూట్ ఆఫ్ వైరాలజీ(ఎన్ఐవీ) పరిశోధనలు ప్రారంభించాయి. దేశ పౌరులకు పంపీణీ చేస్తున్న కొవాగ్జిన్, కొవిషీల్డ్ టీకాలు.. కొత్త కొవిడ్ వేరియంట్ను ఎంత సమర్థంగా అడ్డుకుంటాయన్న అంశంపై పరిశోధకులు దృష్టిసారించనున్నట్లు తెలుస్తోంది.
ప్రస్తుత టీకాలు 'డెల్టా ప్లస్' వేరియంట్‌కు వ్యతిరేకంగా ప్రభావవంతంగా పని చేస్తున్నాయా? అనే దానిపై పరిశోధనలు జరుగుతున్నాయని ఎన్ఐవీ తెలిపింది.
"టీకాలు వేసిన పౌరులలో యాంటీబాడీలపై నిశితంగా అధ్యయనం చేస్తున్నాం. రానున్న కొన్నివారాల్లో డెల్టా వేరియంట్ అధ్యయన ఫలితాలు వస్తాయని ఆశిస్తున్నాం. భారత్లో తొలిసారిగా బయటపడిన డెల్టా వేరియంట్ నుంచి డెల్టాప్లస్గా కరోనా రూపాంతరం చెందింది. ఇందులో కె417ఎన్ అని పిలుస్తున్న స్పైక్ ప్రొటీన్ మ్యుటేషన్ ఉంటుంది. మహారాష్ట్రలో గత కొద్ది రోజుల్లో పరీక్షించిన 7,900 మందిలో, 21 మందికి కొత్త వేరియంట్ నిర్ధరణ అయింది" అని ఎన్ఐవీ వెల్లడించింది.
ఇదీ చూడండి: 'ప్రజాస్వామ్యంపై ఉక్కుపాదం.. అత్యవసర పరిస్థితి'
