IBPS PO Jobs : డిగ్రీ అర్హతతో 3049 బ్యాంకు పీఓ ఉద్యోగాలు.. అప్లై​ చేసుకోండిలా!

IBPS PO Jobs 2023 : ప్రభుత్వ బ్యాంకులో ఉద్యోగం సంపాదించాలని కలలు కనే వారికి గుడ్​ న్యూస్​ వినిపించింది ఐబీపీఎస్​. ​మొత్తం 3049 పీఓ పోస్టుల భర్తీకి నోటిఫికేషన్​ను విడుదల చేసింది. మరి ఏయే బ్యాంకుల్లో పోస్టింగ్​ కల్పిస్తారు, జీతభత్యాలు ఎలా ఉంటాయి, వయో పరిమితి, దరఖాస్తు చివరి తేదీ ఎప్పుడ మొదలైన పూర్తి వివరాలు మీ కోసం.

IBPS PO Notification 2023 : ప్రభుత్వ బ్యాంకుల్లో ఉద్యోగం చేయాలని ఎదురుచూస్తున్న ఆశావహులకు ఐబీపీఎస్ (ఇన్​స్టిట్యూట్​ ఆఫ్​ బ్యాంకింగ్​ పర్సనల్​ సెలక్షన్​) శుభవార్త చెప్పింది. పీఓ/మేనేజ్​మెంట్​ ట్రైనీ పోస్టుల భర్తీకి భారీ నోటిఫికేషన్​ను విడుదల చేసింది. 11 పబ్లిక్​ సెక్టార్​ బ్యాంకుల్లోని మొత్తం 3049 ఖాళీలను భర్తీ చేయడానికి ఈ నియామక ప్రక్రియ చేపట్టినట్లు ప్రకటించింది.

ఇన్ని ఖాళీలు..
IBPS PO Vacancy 2023 : 3049 ప్రొబేషనరీ ఆఫీసర్​/ మేనేజ్​మెంట్​ ట్రైనీ పోస్టులు.

విద్యార్హత..
IBPS PO Education Eligibility : గుర్తింపు పొందిన యూనివర్సిటీ నుంచి ఏదైనా డిగ్రీలో ఉత్తీర్ణత.

ఏజ్​ లిమిట్..
IBPS PO Age Limit 2023 : 20-35 సంవత్సరాలు ఉండాలి. పీఓ హోదాలోని సీనియర్ మేనేజర్​, మేనేజర్​, అసిస్టెంట్ మేనేజర్​ పోస్టులకు ఐబీపీఎస్​ నిబంధనల ప్రకారం కనిష్ఠ, గరిష్ఠ ఏజ్​ లిమిట్​ను నిర్దేశించారు. పూర్తి వివరాల కోసం ఐబీపీఎస్​ వెబ్​సైట్​ను సందర్శించవచ్చు.

జీతభత్యాలు..
IBPS PO Jobs Salary : ఉద్యోగానికి ఎంపికైన అభ్యర్థులకు రూ.52,000-రూ.55,000 వరకు జీతం ఉంటుంది.

దరఖాస్తు తేదీలు..

• ప్రారంభ తేదీ - 2023 ఆగస్టు 1
• చివరితేదీ - 2023 ఆగస్టు 21

ఎంపిక విధానం..
IBPS PO Selection Process 2023 : ప్రిలిమ్స్​, మెయిన్స్, ఇంటర్వ్యూ. రాతపరీక్షల్లో వచ్చిన మార్కులను అనుసరించి ఓవరాల్​ కటాఫ్​ను నిర్ణయిస్తారు. దీంట్లో అర్హత సాధించిన వారిని ఇంటర్వ్యూకు పిలుస్తారు.

ఈ అర్హతలు ఉంటే ప్రాధాన్యం..

• స్థానిక భాషపై పట్టు
• కంప్యూటర్​ పరిజ్ఞానం
• అగ్రికల్చర్​, హార్టికల్చర్​, ఫారెస్ట్రీ, యానిమల్​ హస్బెండరీ, వెటర్నరీ సైన్స్, అగ్రికల్చురల్​​ ఇంజినీరింగ్​, పిసికల్చర్​, అగ్రికల్చరల్​ మార్కెటింగ్ అండ్​ కోఆపరేషన్, ఐటీ, మేనేజ్​మెంట్, లా, ఎకనామిక్స్, అకౌంటెన్సీ విభాగాల్లో చదివిన వారికి అధిక ప్రాధాన్యం ఉంటుంది.

ఈ బ్యాంకుల్లో పోస్టింగ్..
IBPS PO Job Posting : యూనియన్ బ్యాంక్​ ఆఫ్​ ఇండియా, యూకో బ్యాంక్​, పంజాబ్​ అండ్​ సింధ్​ బ్యాంక్​, పంజాబ్​ నేషనల్​ బ్యాంక్, ఇండియన్​ ఓవర్సీస్​ బ్యాంక్, ఇండియన్​ బ్యాంక్, సెంట్రల్​ బ్యాంక్​ ఆప్​ ఇండియా, కెనరా బ్యాంక్, బ్యాంక్​ ఆఫ్​ ఇండియా, బ్యాంక్​ ఆఫ్​​ బరోడా, బ్యాంక్​ ఆఫ్​ మహారాష్ట్ర.

అప్లికేషన్​ ఫీజు..

• ఎస్సీ, ఎస్టీ, దివ్యాంగులు - రూ.175/-
• జనరల్​, ఓబీసీ, ఈడబ్ల్యూఎస్ ​- రూ.850/-

వయోపరిమితి సడలింపులు..

• ఎస్సీ - 5 ఏళ్లు
• ఎస్టీ - 5 ఏళ్లు
• దివ్యాంగులు - 10 ఏళ్లు
• ఓబీసీ - 3 ఏళ్లు
• ఎక్స్​ సర్వీస్​మెన్​ - 5 ఏళ్లు

ప్రిలిమ్స్​ పరీక్షా తేదీలు..
IBPS PO Prelims Exam Dates : 2023 సెప్టెంబర్​ 23, 30, అక్టోబర్​ 1 తేదీల్లో ప్రిలిమ్స్​ పరీక్షను ఆన్​లైన్​లో నిర్వహించనున్నారు.

మెయిన్స్​ ఎగ్జామ్​ డేట్​..
IBPS PO Mains Exam Dates : 2023 నవంబర్​ 5.

నోట్: అ​క్టోబర్​ నుంచి మెయిన్స్​ పరీక్షకు సంబంధించి అడ్మిట్​ కార్డులను డౌన్​లోడ్​ చేసుకోవచ్చు.

పరీక్షా కేంద్రాలు..
IBPS PO Exam Centers List : దేశంలోని ప్రధాన నగరాలైన హైదరాబాద్, మైసూరు, పుదుచ్చేరి , విజయవాడ, వారణాసి, లఖ్​నవూ, దిల్లీ, అలహాబాద్​, ఆగ్రా తదితర ప్రాంతాల్లో పరీక్షలను నిర్వహించనున్నారు.

అప్లికేషన్​ మోడ్​..
IBPS Application Process : ఆన్​లైన్​లో దరఖాస్తు చేసుకోవాలి.

నోట్​ : ఐబీపీఎస్​ సిలబస్​, పరీక్ష ఎన్ని మార్కులకు ఉంటుంది, నెగటివ్​ మార్కింగ్​ ఏమైనా ఉందా? మొదలైన పూర్తి వివరాల కోసం ఐబీపీఎస్​ అధికారిక వెబ్​సైట్​ www.ibps.in​ను చూడండి.

• ఇవీ చదవండి :