డీఎంకే వేసిన అపనిందలే తనను 2014లో ఆ పార్టీ నుంచి తప్పుకునేలా చేశాయని భాజపా నేత ఖుష్బూ తెలిపారు. మహిళలను అగౌరవపరుస్తూ, తప్పుడు వ్యాఖ్యలు చేయడం డీఎంకే సిద్ధాంతం అని ఆరోపించారు. థౌజెండ్ లైట్స్ నియోజకవర్గంలో ఎన్నికల ప్రచారం నిర్వహిస్తుండగా ఈ వ్యాఖ్యలు చేశారు.
నియోజకవర్గంలో ప్రజలకు తాగునీరు, డ్రైనేజీ సమస్యలతో ఇబ్బంది పడుతున్నారని.. డీఎంకే కంచుకోటగా చెప్పుకునే ఈ ప్రాంతంలో ఆ పార్టీ ఎలాంటి అభివృద్ధి చేపట్టలేదన్నారు ఖుష్బూ. తనను గెలిపిస్తే ప్రతి ఆడపిల్ల బ్యాంకు ఖాతాలో రూ.లక్ష వేస్తానని హామీ ఇచ్చారు. ఇంటికే రేషన్ పంపిణీ సహా ప్రతివార్డులో అంబులెన్స్ సర్వీసులను ఏర్పాటు చేస్తామన్నారు.
ఇదీ చదవండి : భాజపా వ్యతిరేక పోరులో దీదీకి ముఫ్తీ మద్దతు!
