కోర్టు ప్రాంగణంలోనే భార్యపై దాడికి తెగబడ్డాడు ఓ కిరాతక భర్త (Husband attacks Wife). భార్య కాలిని తెగ్గోశాడు. స్పృహ కోల్పోయిన మహిళ.. అక్కడే పడిపోయింది. కర్ణాటకలోని బెళగావి జిల్లా కోర్టులో (Belgaum District Court) ఈ ఘటన జరిగింది.
విశ్రాంత జవాను శివప్ప అడకి, తన భార్య జయమాల మధ్య వివాదాలు ఉన్నాయి. ఆర్థిక విషయాల్లో గత కొద్దిరోజుల నుంచి దంపతులు గొడవ పడుతున్నారు. దీనికి సంబంధించి కోర్టులో కేసు కూడా నడుస్తోంది. ఈ విషయమై బుధవారం జరిగిన విచారణకు వీరిద్దరూ హాజరయ్యారు.
ఆ సమయంలోనే భార్యపై దారుణంగా దాడి చేశాడు శివప్ప. కోర్టు భవన ప్రాంగణంలోనే భార్య కాలును కోసేశాడు. మహిళను బెళగావిలోని ఓ ప్రైవేటు ఆస్పత్రికి తరలించారు. ప్రస్తుతం ఆమె పరిస్థితి విషమంగా ఉంది.
శివప్పకు, జయమాలకు 11 ఏళ్ల క్రితం వివాహమైంది.
ఇవీ చదవండి:
