How to Check LPG Cylinder Expiry Date in Telugu: చాలా వస్తువులను.. ఎక్స్పైరీ డేట్ చూసే కొంటాము. కానీ కొన్ని వస్తువుల విషయంలో ఎక్స్పైరీ డేట్ను పట్టించుకోము. సంవత్సరాల తరబడి ఉపయోగిస్తూనే ఉంటాము. లేదా ఆ వస్తువు పనైపోయేంత వరకు వినియోగిస్తుంటాము. వీటిల్లో గ్యాస్ సిలిండర్ ఒకటి. కానీ.. గ్యాస్ సిలిండర్కి కూడా ఎక్స్పైరీ డేట్ ఉంటుందని మీకు తెలుసా? నమ్మలేకపోతున్నారా! ఇది నిజం. మనం వంటకు వాడే ఎల్పీజీ గ్యాస్ సిలిండర్కి కూడా ఎక్స్పైరీ తేదీ అనేది ఉంటుంది. దానిని ఎలా తెలుసుకోవాలో ఇప్పుడు చూద్దాం..
సిలిండర్ గడువు తేదీ ఎక్కడ ఉంటుంది: సిలిండర్ కొనుగోలు చేసేటప్పుడు.. చాలా మంది మొదట సిలిండర్ నుంచి గ్యాస్ లీక్ అవుతుందో లేదో తనిఖీ చేస్తారు. ఇది కాకుండా, దాని బరువును కూడా తనిఖీ చేస్తారు. కానీ సిలిండర్ గడువు తేదీని ఎప్పుడూ చూడరు. సిలిండర్పైన ఎక్స్పైరీ డేట్ ఎక్కడ ఉంటుందంటే.. ప్రతీ సిలిండర్ పై భాగంలో పట్టుకునేందుకు గుండ్రటి హ్యాండిల్ ఉంటుంది. దానికి, సిలిండర్కు సపోర్టెడ్‌గా మూడు ప్లేట్స్ ఉంటాయి. ఈ ప్లేట్లపై లోపలి వైపు అంకెలు వేసి ఉండడాన్ని మీరు గమనించవచ్చు. ఈ మూడింటిలో ఒక దానిపై ఆ సిలిండర్ ఎక్స్ పయిరీ తేదీ ఉంటుంది. దీనిపై సంవత్సరం, నెల వివరాలు ఉంటాయి. అది ఒకటి అక్షరం, ఒకటి అంకెల రూపంలో ఉంటుంది. ఉదాహరణకు A-12, B-23, C-15, D-28
ABCD అంటే ఏమిటి?: ఈ కోడ్‌లో అక్షరాలు నెలలను సూచిస్తాయి. ABCDని ఒక్కొక్కటి మూడు నెలలుగా విభజించారు. అందులో
- A అంటే జనవరి, ఫిబ్రవరి, మార్చి.
- B అంటే ఏప్రిల్, మే, జూన్.
- Cి అంటే జూలై, ఆగస్టు, సెప్టెంబర్.
- D అంటే అక్టోబర్, నవంబర్, డిసెంబర్.
ఇప్పుడు మీ సిలిండర్‌పై A-24 అని రాసి ఉంటే, మీ సిలిండర్ గడువు 2024 సంవత్సరంలో జనవరి నుంచి మార్చి మధ్య ముగుస్తుందని అర్థం. D-27 అని వ్రాసినట్లయితే, 2027 సంవత్సరంలో అక్టోబర్ నుంచి డిసెంబర్ మధ్య సిలిండర్ గడువు ముగుస్తుందని అర్థం. ఈ విధంగా మీరు మీ సిలిండర్ గడువు తేదీని తెలుసుకోవచ్చు.
11.5 కోట్ల పాన్ కార్డ్స్ కట్ - అందులో మీది ఉందా? చెక్ చేసుకోండిలా!
గడువు తేదీ ఎందుకు రాస్తారు: సిలిండర్‌పై రాసిన ఈ తేదీ టెస్టింగ్ డేట్. దీని అర్థం ఏమిటంటే.. ఈ తేదీన సిలిండర్ పరీక్ష కోసం పంపిస్తారు. సిలిండర్ తదుపరి ఉపయోగం కోసం సరిపోతుందో లేదో చెక్ చేస్తారు. పరీక్ష సమయంలో.. ప్రమాణాలకు అనుగుణంగా లేని సిలిండర్లు ఉపయోగించరు.
సిలిండర్ జీవిత కాలం ఎంత?: సాధారణంగా LPG గ్యాస్ సిలిండర్ జీవితకాలం 15 సంవత్సరాలు. సిలిండర్ను రెండుసార్లు పరీక్ష చేస్తారు.
How to Activate DND in Mobile Networks : స్పామ్ కాల్స్ వేధిస్తున్నాయా..? వాటి నోరు మూసేయండిలా!
