జమ్ముకశ్మీర్​లో ఎన్​కౌంటర్​- హిజ్బుల్ ముజాహిదీన్ టాప్​ కమాండర్​ హతం

జమ్ముకశ్మీర్​ ఉత్తర కశ్మీర్ కుప్వారా జిల్లాలోని  హంద్వారాలో జరిగిన ఎన్​కౌంటర్​లో  కీలక ఉగ్రవాది హతమయ్యాడు. మట్టుబెట్టిన ఉగ్రవాదిని హిజ్బుల్ ముజాహిదీన్ టాప్​ కమాండర్​ ఉబాయిద్​గా అధికారులు గుర్తించారు. ఉబాయిద్​ పలు తీవ్రవాద కార్యకలాపాల్లో భాగమైనట్లు అధికారులు తెలిపారు. సీఆర్​పీఎఫ్​ జవానులు, స్థానిక పోలీసులు కార్టన్​ సర్చ్​లో భాగంగా సోదాలు నిర్వహిస్తుండగా.. ఈ క్రమంలో ముష్కరులు కాల్పులకు తెగబడ్డారు. దీంతో స్పందించిన భద్రతాదళాలు ఉబాయిద్​ను కాల్చి చంపాయి.  మరో ఇద్దరు ఉగ్రవాదులు ఆ ప్రాంతంలో నక్కినట్లు భద్రతాదళాలు భావిస్తున్నాయి. ఎన్​కౌంటర్​ ఇంకా కొనసాగుతుంది.