తమిళనాడులోని పంబన్, కన్యాకుమారి ప్రాంతాల మధ్యలో బురేవి తుపాను ఈ రాత్రికి తీరం దాటే అవకాశం ఉన్నట్లు భారత వాతావరణ శాఖ స్పష్టం చేసింది. ఈ క్రమంలో పుదుచ్చేరి, తమిళనాడులోని పలు ప్రాంతాల్లో రాత్రి నుంచి వర్షాలు విస్తారంగా కురుస్తున్నట్లు ఐఎండీ పేర్కొంది.
"పంబన్కు చాలా సమీపంలో తుపాను కేంద్రీకృతమైంది. ఉత్తర శ్రీలంక నుంచి 70 నుంచి 80 కి.మీ వేగంతో దూసుకుస్తోంది. పంబన్, కన్యాకుమారి సమీప ప్రాంతాల్లో వర్షాలు విస్తారంగా కురుస్తున్నాయి. రాత్రి నుంచి కురిసి వర్షాలతో ఉదయం వరకు 20 సెం.మీ వర్షపాతం నమోదైంది."
-భారత వాతావరణ శాఖ
సహాయానికి సిద్ధం...
బురేవి తుపాను ప్రభావం అధికంగా ఉండే తమిళనాడు, కేరళ రాష్ట్రాలకు ఎటువంటి సాయాన్ని అయినా అందించేందుకు మోదీ సర్కార్ సిద్ధంగా ఉందని కేంద్ర హోంమంత్రి అమిత్షా హామీ ఇచ్చారు.
ఇదీ చూడండి: 'బురేవి'ని ఎదుర్కొనేందుకు కేరళ, తమిళనాడు సన్నద్ధం
