ఉత్తర్ప్రదేశ్లో దారుణం జరిగింది. దేవరియా జిల్లాలో మొండెం లేని ఓ యువకుడి మృతదేహం అనుమానాస్పదంగా లభ్యమైందని పోలీసులు తెలిపారు. కేసు నమోదు చేసుకున్న పోలీసులు.. ఇది హత్యనా? లేక ఇంకేమైనా జరిగిందా? అనే కోణంలో దర్యాప్తు చేపడుతున్నారు.
పోలీసుల వివరాల ప్రకారం.. లార్ ప్రాంతానికి చెందిన రెహమాన్ గురువారం సాయంత్రం తన ఇంటి నుంచి మోటార్ సైకిల్పై బయటకెళ్లాడు. కాసేపట్లో తిరిగి వస్తానని కుటుంబసభ్యులకు చెప్పాడు. అయితే ఎంతసేపటికీ అతడు తిరిగి రాకపోవడం తల్లిదండ్రులు భయపడ్డారు. ఫోన్ చేస్తే స్విచ్ఛాఫ్ వచ్చింది. ఊర్లో పలు చోట్ల వెతికినా.. లాభం లేకుండా పోయింది. ఈ క్రమంలో సుతావర్- చౌముఖ రహదారిపై శుక్రవారం ఉదయం.. మొండెం లేని మృతదేహం అనుమానాస్పదంగా ఉందని స్థానికులు పోలీసులకు సమాచారం అందించారు. హుటాహుటిన ఘటనాస్థలికి చేరుకున్న పోలీసులు.. మృతుడ్ని రెహమాన్గా గుర్తించారు. బాధితుడి ఇంటికి 15 కిలోమీటర్లు దూరంలో అతడి మోటర్సైకిల్ కూడా లభ్యమైందని పోలీసులు చెప్పారు. కుటుంబసభ్యులు ఫిర్యాదు మేరకు.. కేసు నమోదు చేశామని, త్వరలోనే నిందితులను అరెస్ట్ చేస్తామని ఎస్పీ సంకల్ప్ శర్మ తెలిపారు.
ఇవీ చదవండి: భార్యను కాటేసిన పాము.. డాక్టర్లకు క్లారిటీ కోసం భర్త ఏం చేశాడంటే?
వరుడిపై పరువునష్టం దావా.. రూ.50 లక్షలు ఇవ్వాలని డిమాండ్.. బరాత్ అయిపోవడమే కారణం!
