రైతులకు మద్దతుగా శనివారం నుంచి నిరాహార దీక్ష చేపడతానని సామజిక కార్యకర్త అన్నా హజారే అన్నారు. సాగు చట్టాల రద్దును డిమాండ్ చేస్తూ మహారాష్ట్ర రాలెగావ్లో ఈ దీక్ష ప్రారంభించనున్నట్లు పేర్కొన్నారు.
"సాగు చట్టాలు రద్దు చేయాలంటూ పలుమార్లు కేంద్రాన్ని కోరాను. అయినా.. కేంద్రం సరైన నిర్ణయం తీసుకునే ఆలోచనా ధోరణితో ఉన్నట్లు కనిపించడంలేదు. అందుకే జనవరి 30 నుంచి మా స్వగ్రామంలో నిరాహార దీక్ష చేపట్టేందుకు సిద్ధమయ్యాను."
-అన్నా హజారే, సామాజిక కార్యకర్త.
కరోనా వైరస్ వ్యాప్తి దృష్యా... మద్దతుదారులు మూకుమ్మడిగా రావొద్దని అన్నా హజారే కోరారు.
