రైతులపై భాజపా మంత్రి వివాదాస్పద వ్యాఖ్యలు

హరియాణా విద్యా శాఖ మంత్రి కన్వర్​​ పాల్​ గుజ్జర్​.. రైతులపై నోరుపారేసుకున్నారు. వారికి సహాయార్థం ఇచ్చే రూ.6,000 అనవసరమని, ఆ డబ్బుతో వారు మద్యం కొనుగోలు చేస్తారని అన్నారు.

హరియాణా మంత్రి, భాజపా నేత కన్వర్​ పాల్​ గుజ్జర్​.. రైతులపై వివాదాస్పద వ్యాఖ్యలు చేశారు. రైతులకు సహాయార్థం ఇచ్చే రూ.6,000 అనవసరమని, ఆ డబ్బుని వారు మద్యం కొనడానికి ఖర్చు చేస్తారని అన్నారు. బీఆర్​ అంబేడ్కర్​ 130వ జయంతి సందర్భంగా యమునానగర్​లో నిర్వహించిన ఓ కార్యక్రమంలో కన్వర్ ఈ వ్యాఖ్యలు చేశారు. దీనికి సంబంధించిన వీడియో సామాజిక మాధ్యమాల్లో వైరల్​గా మారింది.

అంతేకాకుండా సాగు చట్టాల వల్ల ఎలాంటి నష్టాలు కలుగుతాయో చెప్పాలని కన్వర్​ అన్నారు. కొత్త వ్యవసాయ చట్టాల వల్ల కలిగే లాభాల గురించి ఎవరితోనైనా మాట్లాడుతానని తెలిపారు.

ఇదీ చదవండి: రైతు ఉద్యమం షహీన్​బాగ్​లా కాదు: టికాయిత్