Uttarakhand assembly elections: ఉత్తరాఖండ్ భాజపా బహిష్కృత నేత, రాష్ట్ర మాజీ మంత్రి హరక్ సింగ్ రావత్ కాంగ్రెస్లో చేరారు. దెహ్రాదూన్లోని పార్టీ ప్రధాన కార్యాలయంలో జరిగిన కార్యక్రమంలో కాంగ్రెస్ సీనియర్ నేత, మాజీ ముఖ్యమంత్రి హరీశ్ రావత్.. కాంగ్రెస్ కండువా కప్పి పార్టీలోకి ఆహ్వానించారు.
ఉత్తరాఖండ్ అసెంబ్లీ ఎన్నికల వేళ హరక్ సింగ్ రావత్ కాంగ్రెస్లో చేరటం ప్రాధాన్యం సంతరించుకుంది. ఇప్పటికే ఆయన కోడలు అనుకృతి గుసైన్ రావత్కు లాన్స్డౌన్ నియోజకవర్గం నుంచి కాంగ్రెస్ టికెట్ ఇచ్చినట్లు తెలుస్తోంది.
ఇటీవలే రాష్ట్ర కేబినెట్ నుంచి హరక్ సింగ్ రావత్ను తొలగించిన భాజపా.. పార్టీ ప్రాథమిక సభ్యత్వాన్ని ఆరేళ్ల పాటు రద్దు చేసింది. రావత్ మంత్రి పదవి తొలగింపుపై.. గవర్నర్కు లేఖ రాశారు రాష్ట్ర ముఖ్యమంత్రి పుష్కర్ సింగ్ ధామీ.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చూడండి: 'నేను కాక ఇంకెవరు?'.. యూపీ సీఎం అభ్యర్థిపై ప్రియాంక హింట్!
