ఓ వ్యక్తి తన భార్యతో ఆరేళ్లు కాపురం చేశాక ఆమె మహిళ కాదు పురుషుడు అంటూ ఫిర్యాదు చేశాడు. ఈ ఘటన మధ్యప్రదేశ్లోని గ్వాలియర్లో జరిగింది. తనను మోసం చేసిందంటూ మహిళతో పాటు ఆమె తండ్రిపై పోలీస్స్టేషన్లో ఫిర్యాదు చేశాడు. వీరిపై చీటింగ్ కేసు నమోదు చేయాలని హైకోర్టును ఆశ్రయించగా ఈ విషయాన్ని హైకోర్టు కొట్టి పారేసింది. మరోవైపు ఈ కేసును విచారించిన కుటుంబ న్యాయస్థానం ఈ వివాహాన్ని రద్దు చేసింది.
వివరాల్లోకి వెళ్తే.. గ్వాలియర్కు చెందిన యువకుడికి మురైనాకు చెందిన యువతితో 2016లో వివాహం జరిగింది. అప్పటినుంచి వారిద్దరి మధ్య శారీరక సంబంధం లేదు. ఆ యువకుడు అడిగినా ఆమె ఒప్పుకోలేదు. ఆరేళ్ల తర్వాత తన భార్య మహిళ కాదని పురుషుడని ఆరోపిస్తున్నాడు యువకుడు. దీంతో భర్త కోర్టును ఆశ్రయించాడు. తనకు హార్మోన్ సమస్య ఉండడం వల్లే ఇలా ఉన్నాని.. ఈ సమస్యకు చికిత్స సైతం తీసుకుంటున్నానని తెలిపింది. అయినా అనుమానం తీరని భర్త వైద్య పరీక్షలు చేయించాడు. ఫలితంగా ఆమె పురుషుడని తేలింది. దీనిపై విచారించిన కుటుంబ న్యాయస్థానం ఈ వివాహాన్ని రద్దు చేసింది.
ఇదీ చదవండి: దేశంలో నాలుగో పారిశ్రామిక విప్లవం.. 5జీ సేవలు ప్రారంభించిన ప్రధాని
మైనర్పై రెండేళ్లుగా రేప్.. దోషికి 142ఏళ్ల శిక్ష.. పోక్సో కోర్టు సంచలన తీర్పు
