గుజరాత్లో కాంగ్రెస్ ఎమ్మెల్యే భీఖాభాయ్ జోషి సహా ఆయన ముగ్గురు కుమారులకు మెజిస్ట్రేట్ కోర్టు ఏడాది పాటు జైలు శిక్ష విధించింది. 2008లో పంచాయతీ ఎన్నికల వివాదంలో ఓ కుటుంటంలోని ముగ్గురు వ్యక్తులపై దాడి కేసులో ఈ మేరకు శనివారం తీర్పునిచ్చింది.
జోషి ముగ్గురు కుమారులు భరత్, మనోజ్, జయంతిలకు ఏడాది జైలుతో పాటు రూ.5వేల జరిమానా విధించింది కోర్టు. అయితే వారికి ఆ తర్వాత బెయిలు మంజూరైంది.
ఇదీ జరిగింది..
2008 నవంబర్ 4న భీఖాభాయ్ తన కొడుకులతో కలిసి ముగర్భాయ్ జునేజా కుటుంబంపై దాడి చేశారు. ఆమ్రపుర్ గ్రామంలోని బాధితుని ఇంటికి వెళ్లి కత్తులు, పైపులు, చాకులతో గాయపరిచారు. పంచాయతీ ఎన్నికల సందర్భంగా చెలరేగిన వివాదంతోనే ఈ దాడికి తెగబడ్డారని కోర్టు తెలిపింది.
ఇదీ చూడండి: భాజపా-కాంగ్రెస్ కార్యకర్తల బాహాబాహీ
