'నేషనల్ కంపెనీ లా ఆఫ్ ట్రైబ్యునల్'(ఎన్సీఎల్టీ), 'ది ఇన్కం ట్యాక్స్ అప్పీలేట్ ట్రైబ్యునల్(ఐటీఏటీ)'కి కేంద్రం 31 మంది సభ్యులను నియమించింది. న్యాయ, సాంకేతిక, అకౌంటెంట్ విభాగాల్లో వీరిని నియమించింది. వివిధ ట్రైబ్యునల్స్లో సిబ్బంది కొరత తీవ్రంగా ఉందని ఇటీవల సుప్రీంకోర్టు ఆందోళన వ్యక్తం చేసిన క్రమంలో ఈ నియామకం ప్రాధాన్యం సంతరించుకుంది.
ఎన్సీఎల్టీ, డీఆర్టీ, టీడీఎస్ఏటీ, ఎస్ఏటీ సంస్థల్లో మొత్తం 250 ఖాళీలు ఉన్నట్లు తేలింది. 8 మంది జ్యుడీషియల్, 10 మందిని సాంకేతిక విభాగంలో ఎన్సీఎల్టీలో నియమించగా, ఐటీఏటీలో 13 మంది జ్యుడీషియల్, అకౌంటెంట్ విభాగంలో నియమిస్తూ.. సెప్టెంబర్ 11న సిబ్బంది, శిక్షణ వ్యవహారాల మంత్రిత్వశాఖ ఉత్తర్వులు జారీ చేసింది. నియమితులైన అధికారులు ఐదేళ్లపాటు కొనసాగనున్నారు.
అధికారుల నియామకం విషయంలో కేంద్రం జాప్యం చేస్తున్న క్రమంలో ఇటీవల సుప్రీంకోర్టు ఆందోళన వ్యక్తం చేసింది. నాలుగేళ్లుగా నియామకాలు జరపకుండా.. ట్రైబ్యునల్స్ సహనాన్ని కేంద్రం పరీక్షిస్తోందని మండిపడింది. సెప్టెంబర్ 13 నాటికి నియామకం పూర్తి కావాల్సిందేనని ప్రధాన న్యాయమూర్తి జస్టిస్ ఎన్.వి. రమణ స్పష్టం చేశారు.
ఇదీ చదవండి: మ్యుటేషన్‌.. ఆస్తిపై హక్కును సృష్టించలేదు: సుప్రీం
