కేరళ, త్రివేండ్రం జిల్లాలో ఓ రౌడీగ్యాంగ్ రెచ్చిపోయింది. జిల్లాలోని పోతేన్‌కోడ్‌ గ్రామానికి చెందిన సుధీశ్(35)ను నరికిచంపారు. దాదాపు 12మంది గూండాలు బైక్, ఆటోలో వచ్చి సుధీశ్ను అతడి ఇంట్లోనే పిల్లలముందు కిరాతకంగా హత్య చేశారు. తలుపులు పగులగొట్టుకొని వెళ్లి హత్య చేసినట్లు పోలీసులు తెలిపారు.
ఆ తర్వాత సుధీశ్ కాలును నడిరోడ్డుపై విసిరేసిపోయారు. సుధీశ్ హత్యకు పాతకక్షలే కారణమని పోలీసులు చెప్పారు. పేరుమోసిన రాజేశ్ గ్యాంగ్ ఈ హత్యకు పాల్పడినట్లు డీఐజీ సంజయ్‌ కుమార్‌ తెలిపారు.
ఇదీ చూడండి: స్టేషన్ గోడలపై గుట్కా మరకలు.. నలుగురు పోలీసులపై వేటు
