Gold Smuggling: ఒడిశా భువనేశ్వర్లో అక్రమంగా తరలిస్తున్న 32కేజీల బంగారాన్ని పోలీసులు స్వాధీనం చేసుకున్నారు. నలుగురు వ్యక్తులను అదుపులోకి తీసుకున్నారు. బంగారం విలువ రూ.12 కోట్లు ఉంటుందని అంచనా వేస్తున్నారు పోలీసులు.
ముంబయి నుంచి కోణార్క్ ఎక్స్ప్రెస్లో భువనేశ్వర్కు బంగారాన్ని తరలిస్తున్నట్లు ముందస్తు సమాచారం అందుకున్న పోలీసులు తనిఖీలు నిర్వహించారు. ఈ క్రమంలో నలుగురు వ్యక్తులు బ్యాగుల్లో తరలిస్తున్న 32 కేజీల బంగారాన్ని పట్టుకున్నారు. ప్రతీ బ్యాగ్లో 8కేజీల చొప్పున బంగారం ఉన్నట్లు పోలీసులు గుర్తించారు. నిందితులు ముంబయికి చెందినవారుగా గుర్తించారు. ముంబయికి చెందిన బంగారం వ్యాపారుల ఆదేశాల మేరకు నిందితులు పనిచేస్తున్నట్లు అనుమానిస్తున్నారు.
ఇదీ చదవండి: 200 మంది మహిళలు.. 4000 నగ్నఫొటోలు.. సాఫ్ట్వేర్ ఇంజినీర్ గలీజ్ దందా!
