Goa Minister Resigns: అత్యాచార ఆరోపణల నేపథ్యంలో గోవా పట్టణాభివృద్ధి శాఖ మంత్రి మిలింద్ నాయక్ పదవికి రాజీనామా చేశారు. ఈ విషయాన్ని ముఖ్యమంత్రి కార్యాలయం బుధవారం వెల్లడించింది. ఆరోపణలపై దర్యాప్తునకు ఎలాంటి ఆటంకం కలగకూడదనే మిలింద్ తన పదవి నుంచి తప్పుకున్నట్లు పేర్కొంది. మిలింద్ రాజీనామాను ఆమోదించి గవర్నర్కు పంపించామని వెల్లడించింది.
మిలింద్.. బిహార్కు చెందిన ఓ మహిళపై అత్యాచారానికి పాల్పడ్డారంటూ ఆ రాష్ట్ర కాంగ్రెస్ అధ్యక్షుడు గిరీష్ చోదన్కర్ గత నెల 30న ఆరోపించారు.
ఎమ్మెల్యే రాజీనామా..
భాజపా ఎమ్మెల్యే అలీనా సల్దన్హా కూడా తాను ఎమ్మెల్యే పదవి నుంచి తప్పుకుంటున్నట్లు గురువారం ప్రకటించారు. ఈ మేరకు రాజీనామా లేఖను స్పీకర్ కార్యాలయంలో సమర్పించారు. ఎమ్మెల్యే పదవితో పాటు పార్టీ నుంచి కూడా తప్పుకున్నారు అలీనా. 2012లో తన భర్త మరణం తర్వాత తాను భాజపాలో చేరినప్పటి సమయానికి, ప్రస్తుతానికి పార్టీలో చాలా మార్పులు జరిగాయని అన్నారు అలీనా.
నాటి గోవా ముఖ్యమంత్రి మనోహర్ పారికర్ కేబినెట్లో మంత్రిగా చేసిన అలీనా భర్త మథానీ సల్దాన్హా.. 2012లో ప్రాణాలు కోల్పోయారు. ఆ తర్వత జరిగిన ఉపఎన్నికల్లో అలీనా పోటీ చేసి విజయం సాధించారు.
ఇదీ చూడండి : 'షీనా బోరా చనిపోలేదు.. కశ్మీర్లో ఉంది'.. సీబీఐకి ఇంద్రాణీ లేఖ
