Girlfriend killed her boyfriend: హోటల్ గదిలో ఉండగా మరో వ్యక్తి నుంచి నిరంతరాయంగా వస్తున్న ఫోన్ కాల్స్తో ఆగ్రహించిన ఓ వ్యక్తి తన ప్రియురాలి తలను నేలకేసి కొట్టి హత్య చేశాడు. ఈ సంఘటన దిల్లీలోని వసంత్ కుంజ్ ప్రాంతంలోని హోటల్ లాక్ రెసిడెన్సీలో గత ఆదివారం జరిగింది.
ఇదీ జరిగింది..
ఉత్తర్ప్రదేశ్, గాజియాబాద్కు చెందిన శివమ్ చౌహాన్కు(28).. దిల్లీ వసంత్ కుంజ్లోని కిశన్గఢ్ ప్రాంతానికి చెందిన మహిళతో నాలుగేళ్లుగా సంబంధం ఉంది. గత శుక్రవారం ఇరువురు హోటల్ లాక్ రెసిడెన్సీకి వచ్చారు. అయితే, మరుసటి రోజున చౌహాన్ ఒక్కడే బయటకు వెళ్లిపోయాడు. ఆ తర్వాత.. గదిలో మహిళ మృతి చెందినట్లు గుర్తించిన సిబ్బంది పోలీసులకు సమాచారం అందించారు.
సంఘటనాస్థలానికి చేరుకున్న పోలీసులు.. సీసీటీవీ కెమెరాలను పరిశీలించి నిందితుడి కోసం గాలింపు చేపట్టారు. ఉత్తర్ప్రదేశ్లోని మితౌలీ ప్రాంతంలో అరెస్ట్ చేశారు. విచారణ సందర్భంగా.. హోటల్ గదిలో జరిగిన విషయాన్ని నిందితుడు వెల్లడించినట్లు డీసీపీ గౌరవ్ శర్మ తెలిపారు.
'నా ప్రియురాలు.. నన్ను మోసం చేసి ఉత్కర్ష్ అనే వ్యక్తితో కొద్ది రోజులుగా సంబంధం పెట్టుకుంది. శుక్రవారం హోటల్లో ఉండగా నిరంతరాయంగా ఫోన్ కాల్స్ వచ్చాయి. ఫోన్ విషయాన్ని అడగగా ఉత్కర్ష్ తన సోదరి ప్రియుడిగా చెప్పింది. ఈ విషయమై ఇరువురి మధ్య వాగ్వాదం జరిగింది.' అని చెప్పాడని వెల్లడించారు. ఈ క్రమంలోనే తన ప్రియురాలి తలను నేలకేసి బలంగా కొట్టటం వల్ల తీవ్ర రక్త స్రావమై అక్కడే మృతి చెందగా.. హోటల్ గదిలోనే వదిలేసి పారిపోయాడని చెప్పారు.
ఇదీ చూడండి: ఘరానా మోసాల కుటుంబం.. రూ.100 కోట్లకుపైగా టోకరా
